Posted in 【LIFE】2012, 【LIFE】生病紀錄

BB腸胃炎

20120208-1

阿仔病了! 仲病得好嚴重! 係腸胃炎!

呢幾日, 我地都係醫院出出入入, 因為阿仔一時要留醫, 一時又可以出院, 不過係回家渡假!

事源2月3日星期五, 果晚我OT到9點, 收工就接到電話叫我去將軍澳醫院, 因為阿仔係屋企嘔左三次, 初時仲以為係因為跌過落地 (但有阿仔張細梳化墊住), 所以驚佢有事。

於是即刻搭的士去醫院, 佢地都係早我少少到。照左X光, 再照埋腦掃瞄, 都冇咩特別。由於去到醫院仲係咁嘔個不停, 夾埋有成十次啦!! 所以醫生決定要阿仔入院!  (阿仔係第一次有腸胃炎, 呢一晚既印象都好深刻…因為見佢真係好慘好辛苦….)

就係咁, 呢晚由爸爸睇住佢, 我就朝早先黎”接更”。

星期六, 阿仔都有嘔, 一定要好少好少咁食, 唔可以一次食太多, 我試過俾左一碗定大半碗佢食, (佢太肚餓了…我見佢咁樣好心痛) 食完之後就好似噴泉咁嘔出黎! 好在張床最近洗手盤, 一見佢想嘔就衝埋去! 後來學識左要食少D飲少D, 就開始冇嘔, 而且應該係因為開始唔再咁容易嘔了! 醫生話呢排D腸胃炎好勁! 多數都係開頭嘔, 之後就開始痾啦!

另外就係肚痾啦! 褲都不知換左幾多條了! 我朝早都有帶去, 不過係醫院我又覺得可以唔同佢著褲, 而且阿B都經常訓覺, 有被蓋住。

下午醫生巡房時話阿B可以選擇回家渡假, 又或者直接出院, 我地揀左渡假。

但惡夢黎啦! 返到屋企阿仔痾得超勁而且好多次! 由於冇咁既心理準備, 真係攪到措手不及!! 成床都係! 換床單都換左幾次!

20120208-2

痾同病令到阿仔好累好累, 食完即訓。

2月5日星期日, 由於要做紀錄, 所以第二朝返去覆診後, 醫生話因為阿B痾得太勁, 所以要再留院!!

就係咁, 星期日呢一日, 又再係醫院中渡過! 阿仔仍然痾得好勁, 經常要換床單, 因為多到漏, 點換得密都係會漏! 仲有就係佢PAT PAT損得好緊要! 星期六果日我都見開始紅, 阿B又好似有D痛咁, 已經問左姑娘拎藥膏。

夜晚探病時間爸爸黎接替我, 我返到屋企, 臨訓之前開始覺得唔多舒服, 冇諗過原來自己已經被傳染了!!

2月6日星期一, 朝早繼續去醫院, 今日冇乜胃口, 又唔多舒服, 本來仲想唔過黎, 不過爸爸捱左成晚都唔想佢咁辛苦, 可以返屋企休息下! 點知我自己到下午三點幾已經忍唔住要打電話叫佢返黎!

而阿仔今日個PAT PAT真係損得好勁! 每次同佢換片都喊得好勁, 而且擰開個身, 真係好心痛呀! 問醫生都話係咁…叫我地同佢搽藥膏, 我話搽左都係咁, 佢就話一係唔好包片, 等佢通爽D就會快D好返! 真係冇可能囉! 痾成咁仲要唔包片, 除非長期係TOILET啦! 但就算係屋企都唔會長期係TOILET啦!! 傻架咩….雖然我都知道咁樣對阿B係好D…但係真係唔可以唔包片!

爸爸黎左之後, 我岩岩行左出病房就忍唔住要去出面個TOILET , 因為果一刻我好想嘔。但嘔唔到。

返到樓下商埸, 我竟然忍唔住啦! 走左去TOILET嘔!! 今次真係嘔得出! 今日只食過一個奶黃包, 嘔既全部係淺黃色既野。我份人最怕就係去公廁, 都就返到去都忍唔住了! 於是去左睇醫生。

夜晚爸爸打黎話阿仔可以渡假, 所以返左黎。本來我想買床墊/隔尿墊果類野俾阿仔墊住訓, 不過因為唔舒服又發冷所以冇野可以準備到, 都係舖毛布訓, 所以仍然係因為漏, 所以又整污糟了!

2月7日星期二, 我仲係好病, 爸爸帶阿仔去覆診, 仲出埋院。阿仔精神算好多D! 肯玩下, 不過都少, 訓覺多!

2月8日星期三, 今日我都繼續請假, 因我朝早起身時感覺仲係唔多妥, 仲諗緊如果行去搭車, 或者落車後要行果段路咁遠, 會唔會暈或嘔呢?? 驚緊之際, 阿仔又痾到周圍都係, 所以都係決定係屋企照顧佢多日! 而佢今日精神左好多! 仲係都要玩添! 真係開心呀!!!

lineh3

Follow / Contact Us :
Our Diary 家庭育兒生活旅遊分享

Please support & like my page! 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s