前晚(29號), 發生左一件令人非常傷心既事….
就係….BB最愛既玩具, 吊係床邊既音樂轉轉公仔玩具…
俾我「擰」爛左!!!
黃色舊野中間本來有朵花, 擰佢就會轉同埋有音樂, 可惜成個俾我擰跌左….
講真, 爛左之後我真係好想喊!
尤其是知道好大機會係整唔返既時候!
我覺得自己好對唔住BB呀!!!
因為BB真係非常鐘意呢個玩具架!!! 嗚…嗚….
不過, 尋晚半夜既時候, 公公竟然突然間諗到個方法,
仲俾佢成功左!! 整好左個玩具添!!
就係呢個時候, 本來非常扭計狂喊既阿B,
聽到D音樂聲都唔夠兩秒, 就訓著左啦!!!
勁呀!!!
相信BB咁扭計, 都可能係因為佢覺得少左樣野咁!
所以當佢一聽到呢首咁熟悉既音樂,
就好自然地覺得安樂左?!
ANYWAY, 真係好在爸爸突然間變得咁醒!!
又真係俾媽咪激死…咁都整得爛!
其實呢, 我覺得舊花唔會係我一次就整得爛架!
我認為一定係日積月累, 然後我只係最後既經手人….
尋日返左半日就收工了! 因為我決定唔做啦! 即刻返屋企睇阿B。
其實我好早就已經覺得BB係愈來愈扭計!
由果時訓覺前就扭計喊開始, 我就覺得係…
不過, 當時覺得BB仲細個, 就算扭計都要抱下佢!
因為佢乜都唔識, 只知道抱住舒服D會易訓著D!
而且都唔係話一抱就即訓, 都有時會扭好耐。
但我覺得而家BB開始大, 雖然都仲未識諗, 不過如果而家都繼續好似以前咁, 一喊就又抱又哄佢, 實會寵壞佢!! 所以我好想大家都可以狼心D, 其實都係為阿B好!
而且我認為只係唔好成日抱, 佢喊當然都一定要盡快俾回應佢, 等佢知道有人關心同係愛鍚佢, 只不過方法唔係抱佢。阿B D脾氣真係幾差下! 太容易發忟啦! 如果佢發忟就哄佢, 佢咪以為自己咁做有效, 咪會一路繼續囉!!
尋晚BB訓覺既時候抓損左自己! 仲要係有幾條痕!!
好明顯!! 真係心痛死我啦…………(又帶點激氣>”<)
而且仲發現阿B兩隻腳都有濕疹!
就有D似我以前有濕疹咁樣, D皮膚係爛爛地架…
又好痛! 阿B可能會覺得好痕好辛苦啦……!!
於是, 今日就請左假同BB落樓下睇醫生。 Continue reading “放假一天帶BB睇醫生”
2011年3月27日 (星期日)
BB第二次去剪頭髮
初時剪都冇事, 不過剪剪下開始喊,
因為怕剪親BB, 所以就用D力捉實佢個頭,
BB本來就好唔鐘意人地整佢, 所以就發脾氣喊啦!!
不過對於我地黎講仍然係一樣咁可愛…哈哈!
之後返屋企上呢個架, 早兩日係IKEA買的。
因為我實在有太多褸啦! 而家咁樣好好多了!!
仲有少少位剩俾BB掛衫! 而爸爸就佔用左一個位掛左一件衫!
收到人地送的呢堆BB衫, 好正呀! 多謝爸爸的朋友。
BB呢排飲奶唔知做乜呢, 飲少左! (唔通開始厭奶???)
平時都飲6安, 有時仲飲到7安。
點知呢排都係飲4-5安多!
有時朝早果餐仲可以飲2,3安!!
記得開始返工後頭果兩晚, 夜晚BB都好扭計下!
唔通佢唔開心? 見少左我咁多個鐘!!
麻麻仲話佢一到夜晚就周圍望, 搵我地!
又話佢喊果時識得叫”媽~~~”
我就覺得只不過係佢咁岩喊果時做左個口形發音係”媽”….
尋日收工去買左套故事DVD。
前晚收工就即刻飛返屋企, 諗住剪頭髮, 點知冇得剪…
大前晚收工就去左買衫。
頭先收工就返左TP拎野, 終於都有返D衫著啦…!
媽咪而家返緊工啦! 今日已經係第8日。
每朝早要離開BB, 都好唔捨得!
尤其係BB醒左, 我就好想同你玩!
如果BB喊緊仲大件事! 我會好想好想TUM返你….抱下你….
可惜往往都唔可以! 因為媽咪8點半就要出門口。
之前都訓到7點9起身, 不過諗諗下不如早D起身啦…
所以呢幾日都早左!
雖然BB不能上巴士, 不過都可以在廣告上現身!
所以今日就同埋BB一齊出銅鑼灣啦!
仲著左早幾日係H&M買既靚靚衫仔出動添!
睇我幾有型~~!
點知係地鐵站內果個搵唔到, 去左電車站果個。
之後仲夠鐘飲奶, 去左M記餵奶!
早幾日沖左4次金銀花, D皮膚好左好多! 白白滑滑返啦!
不過今朝早開始又有少少紅色粒粒, 但同之前果D又有D唔同喎!
自從尋日俾佢發現食手好好玩之後, 佢今日成日食啦!
食左好多次! 食得唔係太準確, 但係都整到隻手濕哂…
係咁食食食….
同佢玩轉身, 佢好大力呀! 有時真係差D轉到添!
不過佢未識得手同腳一齊發力, 有時只用手力, 有時腳力。
有時又用錯力。唔知佢幾時真係識轉身呢!?
到時肯定好得意呀!
頭先同BB剪手指甲, 點知佢突然喊!
原來係我唔小心剪到佢手指公面頭D肉…
心痛死我啦!!
不過阿B好叻, 喊左幾聲就冇事啦!
反而係我望到都真係………..唉!!
以後都唔敢同佢剪啦………
其實已經唔係第一次…係第二次!! 不過對上一次已經好耐啦…
上次佢冇喊添呀! 幾勁!
今日同阿B去左沙田飲茶+食飯
阿B好受歡迎呀! 個個都想抱抱!!
今日開始同BB轉食惠氏, 不過呢排都係食得少左, 多數都係食4至5安
唔知點解無啦啦俾佢發現左食手呢個遊戲添!
係咁要食自己隻”右手”囉!! 左手就會擺埋面前, 但都係食右手。
試新衫仔
對襪勁得意!
夜晚同BB玩轉身, 佢好開心呀! 不停咁笑到騎騎聲!
笑聲有時都會有, 不過咁樣係咁笑個不停就係第一次!
見到BB笑到咁, 真係會令人咩都忘記哂! 只會好自然咁跟住笑埋一份!
BB, 你令到我地都非常開心快樂呢!
我都要令你無時無刻都開開心心呀!!
因BB的皮膚情況時好時壞,
壞的時候, BB應該係感到非常痕癢, 以致訓覺都好似好辛苦咁!
所以最後就買左D金銀花同佢沖涼。
沖完一次之後好似好左D, 希望之後都繼續, 好返哂就好啦!!
今日同papa去左圖書館。
借左三本COLOURFUL既圖書,
兩本係英文一本係中文。
另外一本唐詩精選, 同一本講影響世界既發明。
之前買果本英文故事書, BB好鐘意睇!
而呢次借既書, 佢都好鐘意呀!
尤其是顏色特別鮮明果本(最大本)。
唔只一次, 之後俾佢睇, 佢都會好興奮咁郁手郁腳!!
不過如果睇得耐佢就會開始發脾氣架啦!
我發覺其實阿B都幾容易忟, 我好驚佢D脾氣似我咁就唔好啦…
BB昨天到健康院打針, 一次過要打兩支針! 左右邊的大腿各一支。
我抱著BB, 姑娘一打第一支, BB已經嚎哭了! 但也不及第二支針慘!!
當時姑娘已經告訴了我, 第二支針會比較痛的, 我看BB的反應已經知道真的很痛…….哭得比第一支針大聲! 而且更更淒慘!! 臉色也特別紅特別深色!!
記得上一次滿月時打的針, 雖然你有哭, 但只是打針時哭了幾秒, 之後已經不再哭了!
而今次, 我有點懷疑BB你是否有點屬於詐驕而哭呢? 但我相信第二支針你真的很痛。無論你是很痛還是詐驕, 媽媽都一樣會把你抱緊和哄你的啦!
在健康院量度的:
頭圍: 40 cm
身長: 58 cm
體重: 5.65 kg (接近13磅)
BB晚上發燒了!!
不過你很乖啊! 沒有怎麼因為不適而哭!
你爸爸打算帶你去看醫生…
不過最後還是貼了退熱貼, 吃了未滿月時那些退燒藥 (爸爸問過人是可以吃的), 睡一會後就退燒了! 不過到今天下午還是有一點燒。
現時 vs 出世時
體重約13磅 / 6kg vs 6.38磅 / 2.895kg
身高約61cm vs 49cm
頭圍約41cm vs 35.5cm
參照健康院給我們的那本”針卡”, 入面有寶寶生長圖表。無論是哪一項, BB都比標準的快了一條線, 甚至兩條線!!
如頭圍, 本來他的成長線至2個月時是40cm, 他現在是41cm。
體重, 本應約5.2kg, 現在6kg。
身長, 本應約55.5cm, 現在61cm。
不過, 這些都是我們自己量度的, 所以可能會不十分準確!
明天會到健康院打針, 到時候就有準確的數字了!
BB 你今天飲奶的情況依然不太好! 真的是厭奶? 這麼快?
M.R. In UK 