Posted in 【LIFE】2011

愛上食手

早幾日沖左4次金銀花, D皮膚好左好多! 白白滑滑返啦!
不過今朝早開始又有少少紅色粒粒, 但同之前果D又有D唔同喎!

自從尋日俾佢發現食手好好玩之後, 佢今日成日食啦!
食左好多次! 食得唔係太準確, 但係都整到隻手濕哂…

11031401
係咁食食食….
11031402

同佢玩轉身, 佢好大力呀! 有時真係差D轉到添!
不過佢未識得手同腳一齊發力, 有時只用手力, 有時腳力。
有時又用錯力。唔知佢幾時真係識轉身呢!?
到時肯定好得意呀!

 頭先同BB剪手指甲, 點知佢突然喊!
原來係我唔小心剪到佢手指公面頭D肉…
心痛死我啦!!
不過阿B好叻, 喊左幾聲就冇事啦!
反而係我望到都真係………..唉!!
以後都唔敢同佢剪啦………
其實已經唔係第一次…係第二次!! 不過對上一次已經好耐啦…
上次佢冇喊添呀! 幾勁!