尋晚BB訓覺既時候抓損左自己! 仲要係有幾條痕!!
好明顯!! 真係心痛死我啦…………(又帶點激氣>”<)
而且仲發現阿B兩隻腳都有濕疹!
就有D似我以前有濕疹咁樣, D皮膚係爛爛地架…
又好痛! 阿B可能會覺得好痕好辛苦啦……!!
於是, 今日就請左假同BB落樓下睇醫生。
本來都想收工返黎等公公帶佢去,
不過見到又真係好唔開心…又驚BB辛苦!
所以都係我帶佢去睇左先啦!
本來我又想睇完之後返工, 返半日雖然等同冇返,
因為搭車各樣都冇左啦! 人工唔係高丫嘛…
但對住阿B, 我真係好想好想陪住佢呀!!
返左工太多日, 實在覺得好唔夠時間陪佢…
有時朝早起身要出門口, 阿B可能已經醒左,
佢就好似知又好似唔知咁望住你…
好可憐咁…
就算係唔望你, 見到佢有時喊, 又唔忍心唔理佢就行。
但哄佢, 抱佢佢又未必即刻唔喊, 可能仍然會喊多陣,
咁我咪遲到囉! 所以我都會好狼心咁出門口。
反正我出左去都有人照顧BB嘛!
左邊支藥膏係醫生建議買黎幫BB搽全身, 包括面部都可以。
我去萬0買, 特價左都96蚊! 右邊果盒就係醫生開, 搽濕疹。
下午就去左同婆婆飲茶啦~ 真係橋…係今日我咁岩請左假。
自己一個人帶住阿B出去, 真係超級論盡呀!
連個的士司機都叫我下次唔好一個人帶埋阿B出街…
BB又有新衫仔著啦! 呢件係姨婆婆買架!
