阿仔今早7點幾飲奶, 玩左陣再訓左一陣, 到10點幾食完粥就冇訓。
1點幾我就帶佢落街行下啦! 仲第一次逗留係樓下公園既長椅度坐, 俾阿仔「自由發揮」(都不過係兩尺範圍內)。
我去萬0買野既時候, 阿仔又係架車度自己企左起身! 無辦法, 唯有顧住佢安全就算, 有時真係唔得我就抱起佢, 不過又抱住佢又推埋部車就難少少。
跟住返屋企後就餵佢食粥, 點知佢食食下扭幾扭竟然訓著左!! 證明其實佢好眼訓但係又有D肚仔餓!
今日落多左米, 不過落少左水, 出黎就唔飯唔粥咁既樣! 我就覺得似飯多D, 不過又好綿既….另外又係薯仔同蘋果。我都想落D肉呀! 不過唔識點整……
M.R. In UK 