前排開始, 阿B 經常重覆地講某幾個音, 例如「街」, 「爸」(無錯! 係爸字! 不過個音有時會有偏差, 街字都係)。而呢排就少左, 不過呢幾日就好鐘意”BU”, 好似係學爸爸咁!
行路方面佢叻左! 兩隻手扶住我時, 我感覺到佢個身輕左, 個人冇咁”聚”, 即係話佢識慢慢用自己既力去行啦! 但放開一隻手, 佢仍然係好怕, 但都有試行, 而且其實都行得幾好! 都行到幾步架!!
愈來愈揀人, 之前乜人伸手抱佢都唔會反抗或者趴返埋我度, 但而家就會! 不過對方抱左佢去之後佢都極少會喊既! 而同佢玩就乜人都可以! 仲會主動同人地笑! 尤其見到小朋友, 佢更加會大聲叫人! 見到狗仔都係! 係咁呀~呀~聲!
近日煲左一次爛飯佢食, 今日第二次試煲。但阿B都幾唔鐘意食! 又係食左幾啖就唔食! 要飲奶。算啦! 都係煲返粥仔佢食啦! 唔想佢餐餐都係奶。
買左一張新既地墊返黎, 幾好, 唔阻住度門開關。
而家成日都放阿B係地下玩! 不過都係果句, 有人陪就好囉~ 冇人陪, 佢又係咁扭計架啦! 就算我只係坐係張墊旁邊既電腦檯, 佢都好似同個KEYBOARD有仇咁, 一係就係咁攪佢, 一係就係咁要我抱! 一抱佢咪又周圍攪囉! 總之, 陪住佢既意思係, 咩都唔可以做, 除左同佢玩/訓覺/發呆/望住佢玩。
Advertisements
