Posted in 【LIFE】2012

快15個月了!

2012年3月22日 (星期四)

今日收工返到屋企, 阿仔同平時一樣, 望住我, 不過都係望一陣又唔望, 再望一陣又唔再望咁, 好似好COOL咁架! 不過佢今日有D唔同, 就係望一陣就走埋黎。伸出雙手要我抱!!

咁岩我今日又拎住好多野! 都要放低D野係地下先 (房都未入), 抱抱佢一陣, 滿足阿仔同自己先啦!!

其實阿仔愈大就愈愛痴住我地! 尤其我抱住佢, 佢真係好鐘意面貼住面咁! 就算我唔貼佢, 佢都貼住我! 好LUM!!

仲有呢排唔知做乜好鐘意俾人抱住訓! 大概上星期開始我發現佢係咁, 佢眼訓時會係咁想抱, 抱住時如果佢唔多玩, 叫佢卜卜, 佢就真係卜, 然後冇幾耐就會進入睡眠狀態!

Posted in 【LIFE】2012

返工都好少寫BLOG

2012年3月22日 (星期四)

好耐冇寫BLOG了! 真係好唔想咁樣! 其實我生平最大既嗜好之一就係寫日記! 由細到大都係!

更何況有左阿仔, 令我既生活更有意義! 更有色彩! 更有紀錄下來既價值!

所以, 如果可以既話我真係無時無刻都想將阿仔既生活記錄低!

只可惜, 好多原因令我唔可以咁做。

或者係唔想…

呢幾個月返工都好少寫, 連收工同阿仔去街, 或者假期同阿仔去玩既時間都少! 又點可能有閒情去寫日記呢….?

呢排開始努力做ANOTHER WORK! 好希望可以開多個「源」(開源節流)。由於都係由3月先開始進取, 所以都未知可以賺幾多錢一個月, 只係知道, 有少少賺啦! 詳細要做月結先知!