Posted in 【LIFE】2012

識自己上落樓梯

20120504-1

今日下午去左街市買送, 期間等爸爸的時候, 阿仔係人地舖前面既樓梯上行來行去, 行左好耐, 後來佢想落返黎, 想我扶佢落, 不過我冇扶, 我想等佢自己試下得唔得。

最後係~~ 得左! 勁開心! 再試埋自己上返樓梯, 又得左! YEAH!!

雖然只係好矮既一”及”樓梯, 但都OK啦! 有進步了!

阿仔已經識叫爸媽好耐, 爸爸仲教左佢有野要叫人幫既時候, 就拍拍對方隻手, 叫”爸”或者”媽”, 阿仔好多時都會記得! 不過就好好笑, 因為佢成日都會叫錯架! 拍我但叫爸, 拍爸爸但叫媽!

佢仲會拍完之後講埋佢想要做乜野, 不過由於識講既字有限, 所以暫時講得最多既字係~~”抱”! 同埋”蝦”!! 蝦呢個字, 其實係有兩種解法! 一係就係”CAR”, 一係就係”CARD”! 但佢唔識發個”CA”音, 所以就變左”蝦”! 俾佢笑死啦!!emotion