Posted in 【FTM】心情記事, 【LIFE】2012

新居第2天@2012

P6085209.JPG

2012年6月9日 (星期六)

講唔該 — 尋日同阿仔落街, 唔記得係去食野果時定係幾時, 佢聽到我同人講唔該, 佢就跟住講, 之後仲成日都講添! 尤其係每次我講完, 佢都跟手就講埋一份! 笑死我啦!!

今朝早同阿仔去食早餐時, 佢就講啦! 跟住第二轉落街, 拎衫去洗。由地鐵站行上黎時, 有個姐姐派傳單俾佢, 佢接左之後竟然識得講唔該! 哈哈~~~自己個仔…始終都係覺得係非常非常可愛! 不過又覺得客觀d黎講, 佢真係好鬼得人鐘意丫!!

好似呢兩日出街咁, 都幾多人會望住佢, 同佢玩下, 同我吹兩句, 例如問佢幾大啦! (通常都係問呢樣野! 我自己都係啦! 不過俾著我, 通常係見到一d我覺得比較叻既小朋友先會問, 或者係同對方傾開計!)

但對於主動撩佢既街外人, 佢仍然係好怕醜, 唔多肯講HELLO, 拜拜就好D! 因為佢明白係會同對方分別嘛!!

新居 — 今日第一次係度同阿仔沖涼, 因冇地方, 所以要用花灑。佢不嬲都好怕架啦, 但真係冇辦法啊! 佢喊到…好勁!! 又係喊到狂咳, 我見佢眼白都紅哂添呀!!! 嚇到我死死下!! 唉~~~ 來日方長, 唔知佢幾時先唔驚呢….見到我咁我真係好驚呀!! 我仲驚過佢………

今晚又係去左西九龍FOOD COURT食飯。原來果度食野都幾平呀! 不過唔知係咪自己唔好彩, 兩晚叫既野都唔係咁好食! 我都係揀D岩阿仔食既野, 因為未有得煲粥住, 所以夜晚想佢食返D肉同菜。

感覺上, 呢度好多舖頭既人都幾好! 對小朋友都幾有興趣!! 做左人媽媽既我, 的確會好CARE對方會唔會同我個仔玩!! 就算唔係玩, 笑住咁望佢, 我都會覺得對方係個好人! 唔知點解呢?? 果種感覺係…覺得對方明白一D野咁囉, 唔識形容!!!

由於好多時同阿仔去食野, 坐附近既人或者D樓面都會同阿仔笑下玩下咁, (真的幾乎係去親邊度都有!) 但今朝食早餐果度果位阿姐就完全冇, 眼尾都唔望一下果種呢! 感覺好唔友善咁…令我印象都幾深刻!

夜晚係FOOD COURT坐隔離果PAIR人幾乎有7至8成時間都望住阿B! 可能佢地都係好喜歡小朋友! emotion

 

呢兩日係呢度, 發覺阿仔有種新既眼神! 係唔多好架!! 唔知係邊度學返黎, 即係果種~~我好唔滿意你鬧我或係對我做既野, 我心入面有D說話係鬧返你~~果種感覺!!

通常係我叫佢唔好做某D野果時, 又或者佢知自己唔應該做但又做, 俾我見到 (我冇鬧佢, 同平時一樣的語氣同佢講野) 時, 佢就會用呢種眼神!!!

但我冇話佢, 我要做既係, 一定要留意返自己, 唔好用呢種眼神望阿仔!!! 希望佢慢慢可以忘記再用呢種眼神啦!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s