Posted in 【LIFE】2012

醫生都幾肯定咁話阿仔係哮喘!

2012年6月14日 (星期四) 

今日帶左阿仔去睇梁醫生。

我好直接咁問醫生阿仔係咪有哮喘, 佢竟然答左我最唔想既答案!!!

雖然佢話有D小朋友會頭幾年有, 之後會冇, 但我真係超唔想…..咁樣好辛苦架…….唉!! 都係我唔好………

阿仔第一餐奶係6點, 之後訓到10點幾, 今日冇聞過氣。起身之後佢其實都幾精神架! 係有咳囉! 同埋有D熱熱地, 因為有少少燒。

返到樓下買左個飯, 就同阿仔係屋企開餐。其實佢都冇咩胃口, 食唔多。

訓左三個小時有多之後, 起身同佢沖涼, 再飲奶, 舒舒服服~~ 就食藥啦! 

呢次冇之前咁乖啦! 之前都肯啜架, 可能上次果D好味啦! 聞落都有果汁味! 可能飲落仲好味! 哈!

但今次真係唔好味, 所以每次食藥阿仔都狂喊! 

 

期間婆婆同姨婆都有打電話黎問阿仔點, 好多謝大家關心…
好在阿仔成日都好精神咁玩, 只係食少左, 仍然係咁多野講咁令人發笑!!

頭先教佢講”電腦”二字, 同埋”紅色”, 佢講到D音鬼咁高! 笑死我啦!!

尋晚就親耳聽到阿仔扮蟬叫, 好得意呀! 仲有識講”迪仔” (史迪仔)