Posted in 【LIFE】2012

非常愧疚

今日做左一個非常非常唔好既事…係餐廳鬧阿B。嚴重傷害佢既弱小心靈…而最痛既, 係阿B實在太可憐, 咩都唔識, 就要承受媽媽既臭脾氣。佢只不過係一個天真無邪, 單純貪玩既小朋友。我唔能夠令佢時時刻刻都開心, 活在快樂既世界中, 非常愧疚……..好唔想佢對我產生我曾經有過果種恐懼感……呢種恐懼其實時至今日我都仲有。所以更加唔想阿仔有!!! 好討厭咁樣既我…

Posted in 【LIFE】2012, We Two

悠悠閒逛 THE ONE

2012年8月25日 (SAT)

又同阿B去街街啦!
今日去左尖沙咀THE ONE。
因為有RILAKKUMA!
媽媽自己都影左D相, 要帶阿B去影先得!

20120825-1

20120825-2

呢度有間LEGO專賣店, 仲有張檯俾小朋友玩LEGO, 都幾好呀! 有機會再帶阿B黎玩先得! 不過, 我更想既係買返副俾佢。

20120825-3

好啦! 黎到6/F caffè HABITŪ (openrice), 門外面有SOFA坐! 岩哂呢個坐唔定既小魔怪!

買左個藍莓芝士蛋糕同一個唔記得咩青豆湯。阿仔只肯食CHEESE CAKE (應該話佢鐘意食先岩!), 個湯可能佢覺得唔好飲。我自己都覺得個湯既味有D唔同…我地好少食呢種味道既野。諗住俾多D唔同口味阿B食, 但佢點都唔肯飲, 唯有放棄, 自己飲哂啦!

20120825-4

之後仲係另一間餐廳度, 呃左人地一個氣球添呢!

20120825-5

Posted in 【LIFE】2012

識投訴話媽媽鬧!

可能我太急於訓練阿B去廁所同自己食飯啦, 所以因為呢樣而鬧得佢都幾勁! 有時係因為太嬲, 一時忍唔住…有時又因為覺得佢開始大個仔, 明白我講乜, 覺得佢係應該要識, 要記住, 所以鬧佢! 但我知咁樣其實好錯! 佢可能會對呢D野產生恐懼, 更加唔想見到既係因為見我咁樣鬧佢而學左我…我既情緒同表現太激動啦! 而最攪笑既係, 呢兩日我鬧完佢, 由爸爸去接手處理教佢既野時(因爸爸係度會好D, 我唔駛係情緒唔好時仍然要繼續理阿B! 換個人去教佢會好好多!), 佢就同爸爸講「媽媽鬧」! 令當時好嬲既我都忍唔住笑……

Posted in 【學習】準備2016-17升小一

【轉貼】小一選校文章 (揀直資私小 以孩為本)

2012-08-15-16-49-04_org.jpg

近日開始為兒子報讀K1的事忙著, 雖然9月便會開學讀PN班, 可是學校實在太遠了! 讀一年半載還可以。

但如果維持現狀的話, 怎麼「捱」下去呢? 就算我覺得不累, 兒子也會很累吧! 畢竟這麼小的一個小朋友, 還要返全日班, 乘車來回都接近兩個小時呢….

上網看了兩三日, 把個人認為有用的資料記下來, 或將來可作參考。

line_beige

文章日期:2012年8月8日

【專訊】踏入8月中,各間直資和私立小學已紛紛開始接受2013至14年度小一入學申請,各位爸媽又到了準備選校面試的緊張階段。

不少爸媽為求有更多選擇,往往只會盲目跟大隊、一窩蜂為子女報讀十幾間名牌小學,而忽略了解它們是否適合。為免入學後才後悔,不如趁現在先了解孩子的性格類型和學校的辦學特色,從而選擇一所能讓小朋友發揮所長,愉快學習和成長的學校

相比官津小學,直資及私立小學有更大的辦學自主權,課程、教學語言、收生準則和師資等都可自行決定,加上要收取學費,學校能提供更好的資源和設施, 部分直私更附設一條龍中學。因此,愈來愈多爸媽不惜工本,願意支付巨額學費入讀這類學校;一些熱門、口碑好小學,每年申請人數節節上升,連小一簡介會也場 場爆滿。

Continue reading “【轉貼】小一選校文章 (揀直資私小 以孩為本)”

Posted in 【LIFE】2012, 【LIFE】生病紀錄

阿仔病了啦!>”<

2012年8月4日 (星期六)

而家阿仔識得眼訓話要「訓覺」!
同時會自己或者拖埋我話”GO GO GO”咁行去張床度!
***因為佢岩岩先咁做完黎! 可能係因為食完藥更加眼訓!***

尋日接返阿仔, 不過佢病左啦! 係咁咳! 今日帶左佢去睇醫生。
係診所, 佢主動叫個(年紀都頗大既)姑娘做姨姨! 入到醫生房又同姑娘玩! 唔知姑娘係咪幫佢執返佢玩緊個樽之後, 仲同人SAY “THANK YOU”! 叻叻豬…