Posted in 【LIFE】2012

面試 : 宣美, 大埔禮賢會

今日一連IN兩間, 不過好在時間都夾到, 宣美係九點, 禮賢會就下午兩點三。

20121020-1

早左成二十分鐘到, 學校門都未開。一開門D老師係門口迎接, 阿仔都有出聲打招呼! 入到去坐低填FORM, 我見好多野放左出黎俾小朋友玩, 就叫佢自己去玩啦! 阿仔都 好活潑咁自己周圍去玩! 當我再排隊交FORM時, 見佢係個籃球籃度拎D波出黎, 再放入籃球架度, 玩得好開心! 期間都有一兩次走返黎搵我, 我叫佢繼續玩, 佢就自己再走去玩。

好啦, 交完FORM, 睇住佢玩多一陣, 已被叫名入另一間大房。呢度有好多可坐入去既車仔, 同埋其他玩具, 阿仔第一時間 (亦可能因為係一入去最當眼既…) 就坐架大車。再走去第二度果時, 已經有位老師撩佢講野, 可能D老師早已TARGET左要IN邊個小朋友先, 講左幾句就帶我地入另一間房正式INTERVIEW啦! 都問左好多野, 拎車仔, 同拎好多卡出黎問。阿仔既表現都OK既, 有答! 不過問到「你同邊個搭巴士呀?」果時, 佢就冇答到啦! 我知佢應該係唔識答!!

老師話佢講野比差唔多大既小朋友叻! 我就答左句, 佢而家返學D老師都係咁講, 仲話佢好多野講! 最後老師俾左包餅佢, 阿仔係我提示之下都有講THANK YOU!

之後可以走啦, 不過阿B見到D玩具想玩, 我當然都會滿足下俾佢玩下啦! 不過玩左十分鐘左右佢都唔願走, 我唯有話媽媽走啦! 佢都唔理我囉….最後我見有老師幫口話你媽媽走左啦! 我就即刻呢埋, 佢都隔左一陣先識搵我, 跟住我地就走啦! 佢都係咁扭計架! 似乎鐘意果度~~~D玩具! 哈哈!!

總結…阿仔一定鐘意間學校!! 但返學開唔開心我真係唔知點估….而自己既感覺都幾好! 因為入面都夠大! 交FORM果個HALL對小朋友黎講簡直夠哂大啦! 而入面果間大房既玩具, 尤其大車都非常吸引小朋友。至於教學果D, 我都相信唔錯, 始終呢間係口碑好。(UM…我揀果D有邊間唔係呢..!?)

IN完返屋企我好累, 訓死左! 阿仔就好精神咁自己玩玩玩~~~ 佢都好乖架啦! 冇乜點騷擾我! 不過到十一點幾佢開始肚餓又有D眼訓啦, 係咁煩擾我啦! 我就沖支奶俾佢, 佢咁就訓左囉~~! 本打算12點出門口 (婆婆放1點, 面試2:15pm), 要改為1點出門口, 仲要抱住阿仔出, 唔忍心刻意嘈醒佢。不過我一出門口佢都已經醒左啦! 只係唔願落地, 未訓醒嘛!

20121020-2

(攝於校門外, 等候開門中)

OK!! 到下一間!!

上到學校時間岩岩好, 拎左籌就等叫入房。首先好似係有6-7個小朋友連一位家長入一間大房, 小朋友玩玩具, 大人就坐一邊望。而老師呢, 就拎住紙筆咁, 觀察!! 阿仔就好開心咁自己玩, 有兩次都走埋黎拖我隻手叫我GO! 可能呢度太細啦! 而且D玩具同宣美好唔同, 只有一張大地墊, 上面好多大大舊林既積木, 側邊就係玩具廚房同玩具BB公仔。(宣美係有好多體能上既野玩, 如SLIDE, 籃球, 迷你足球+龍門等, 令阿B玩得不亦樂乎!) 可以話呢度既野相對上比較靜態。

大約十至十五分鐘就可以出房, 當老師講完話可以離開等再叫入房時, 阿B突然拍手話「好野」!! 超攪笑!!

面試時可以兩位家長, 我就同MOTHER一齊同阿B入去。一開始係玩放釘, 即係將D釘擺上一張墊上面既洞洞度。估唔到阿仔竟然好叻好快咁放哂上去, 之後仲識得「釘上釘」! 即係釘上面都有洞, 將另一粒釘放上釘上面個洞。老師係有提點既, 問佢邊度仲有洞, 阿仔指住釘上面果個, 就識得自己放上去啦! 我都有點SURPRISE!! 之後問左D生果, 再俾D真野佢配對。阿仔即刻話「一樣」! IN完之後老師問我佢幾多月出世, 我話12月尾, 佢話阿仔講野好叻! 平時邊個湊之類…

我對兩間學校既感覺 

其實從兩間學校既面試內容已經或多或少睇得出學校既教學取向。
宣美就注重學術性既野多, 因為拎好多卡出黎問, 考好多野睇佢識唔識。
而禮賢會注重小朋友遊戲中既表現, 會著眼於觀察小朋友既行為同腦筋?? (即係玩釘釘咁)

我就比較鐘意宣美校舍大D, 雖然都係冇室外遊樂埸地, 但入面大都總好過細…
活動範圍都大D! 可能著重小朋友既體能同學術。
而禮賢會就真係幾蒙特梭利! 不過屬於細微既活動, 如手指, 腦袋, 而唔係體能。

至於阿仔, 佢令我好有信心! 我認為都幾大機會收佢! emotion

面試結果 @29 Oct 

上星期IN果兩間, 一間收左上午班, 一間REJECT!! 收果間係星期六收到信, 唔收果間就今日收到。

講真, 我有D唔開心架! 因為當日阿仔既表現平心而論係唔錯, 仲幾好添! 非常好我就唔敢講, 至少佢完全係答哂D問題, 而且都只係得一題冇答, 就係邊個同你黎。

知道唔收之後, 俾我感覺到一樣野, 就係, 無論你表現好唔好, 都唔一定以此為收生準則! 學校IN你, 可能根本已經收夠人, 但因你交左FORM俾左錢, 就IN下啦! 其實已經冇位。又或者, 就如坊間所講, 學校一早就以其他野黎決定左收唔收你! 但我估唔到連後補都冇份! 當日個老師問過阿仔幾多月出世, 話佢講野叻! 其實唔只係講野叻, 佢既溝通都係OK啦! (不過mother就話覺得個老師知道阿仔係超細B後既反應唔好!) 總之得知呢個事實令我感到好失落….但我仍然會繼續努力, 幫阿仔搵間多幾間好學校既!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s