Posted in 【LIFE】2012

面試 Round 2: 救主堂, 浸信會

2012年10月27日 (SAT)

由於今日大埔有兩間幼稚園面試, 所以尋晚同阿仔係婆婆屋企訓左晚。婆婆返工後, 我就同阿仔8點幾起身, 9點多出門口啦!
第一間係聖公會救主堂, 係廣福。其實都唔係幾想去, 因為搭車一D都唔方使。搭巴士要行好遠, 再加上呢架車係出九龍或荃灣, 所以車費亦較貴!

20121027-1

其實早左到, 點知遠望已經見到有人排緊隊! 下?? 咩事咁早呢? 原來今日係開放日….點解我唔知既?? 好在早到左, 雖然面試時間係10點幾, 不過排先就可以IN先! 咁就好啦! 最唔鐘意等!

20121027-2

我幾鐘意呢度樓底高! 感覺空間大D! 會舒服D! 由於一入去就登記, 繼而入一間房等待, 所以即使係open day, 都要等in完先玩!
今次阿仔既表現就真係唔掂啦! 老師問佢野十問九唔應…好似只答左一二或三個問題倒啦! 最大反應就係老師拎架巴士既圖片出黎, 阿仔就話「巴士」咁! 之後又醉心於玩佢既車仔! 當然係學校提供架啦…就係因為呢架車, 阿仔實在太陶醉啦! 唔望人, 耳邊風….等等!!

20121027-3

其實唔好話阿仔, 連我自己都唔係太上心, 唔係因為睇過專家介紹呢間幼稚園, 同埋知佢上隔離間都幾好既小學的話, 我都唔會報。而且過黎呢邊實在太唔方便, 都諗住收左都唔會讀了…! in 完就去玩啦! 有4個 room 有遊戲玩, 我就揀左3個同阿仔玩。第一個係穿「飲筒」(同穿珠仔一樣), 第二個係唱歌 (活動係有名稱既, 不過我唔記得啦!), 第三個就係掉圈圈, 分有益同冇益既食物。

20121027-420121027-5

上圖係第二個遊戲, 老師唱左一次之後一人派一頂帽, 不過阿仔果頂太大了! 一陣就唔戴。玩哂之後就出大堂玩其他野, D遊戲玩完係有得吸印仔, 夠3個就可以換野飲同小禮品。原來係 MCDONALD’S 既橙汁! 講真, 有呢幾個小遊戲, 加上送野飲同禮物仔, 我已經覺得呢間學校幾有HEART! 仲要係有個M記員工係度SERVE你, 的話係非常有心添!

20121027-6

阿仔玩呢架「火車」玩到卡卡笑! 人雖然多, 不過呢架火車初時冇人玩! 阿仔自己一個玩左一陣, 應該好滿足啦! 我都好想佢玩耐D, 不過人愈來愈多, 我又想快D同佢去食野, 所以走果陣係未夠11點架!

20121027-7 20121027-8

跟住同阿仔係附近間大家樂度食早餐, 食完慢慢行, 等到下午1點15分IN第二間。
期間仲同阿仔去左冒險樂園, 同埋公園仔果度玩左陣添! 好充實呀!!
其實阿仔開始有D累, 我知佢眼訓, 但都捱埋佢啦! IN完先返屋企訓!

20121027-9

呢間幼稚園都係舊同事介紹我先報, 校舍環境都OK, 樓底仲高!! emotionemotionemotion
都好快就可以上去IN, 點知原來家長係唔需要陪同架!!
好在阿仔入房後望一望我之後就好專心咁玩檯上面既野, 應該冇喊。
至於另一個一齊入房既小朋友就狂喊…
我係門口度等…大約都有5-8分鐘? 阿仔就出黎啦!
但佢實在太細, 問唔到D乜…唔知到底IN成點呢???

Interview Results

救主堂
於2012年10月31日, 收到信, 取錄左阿仔讀上午班! (我好似係揀全日架…) 1號就要去註冊! 選擇左放棄。

浸信會
於2012年11月1日收到既信, 係下午班後備生。都預左, 因為IN完之後個老師俾我既感覺唔多好, 唔NICE! 事實上阿仔都屬於叻仔! 如果學校唔係想收呢種學生既話, 我都無話可說了。或者, 阿仔既表現唔得啦! 總之, 我地都要繼續努力! 再接再厲!

再再後記
後來收到浸信會電話話有位! PM班。心大心細留唔留註冊費好, 最後都冇要到。聽聞呢間減左學券後係唔駛錢添呀! 放棄個位都有些少後悔! 因為想搬返入新界…..至少都要留一間RESERVE嘛…..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s