Posted in 【LIFE】2013

媽媽要去旅行啊~~

近日決定要出外旅遊! 好好地放鬆心情, 遠離煩囂!
日子未定, 只要買得到比較便宜的機票便可, 住宿簡樸一點, 便宜一點就可以! 主要目的是到外地去…觀光~ 到處走走~ 可能會和朋友一起去, 多數是沖繩。
又或者, 如果時間或地點未能配合的話, 就自己一個人去!
想自己一個去旅行已經很多年了! 對於以前一向是自編行程的我, 相信不會有困難吧! 只不過是變成一個人去而已! 反正, 我最想的就是….散散心!
而且, 我還是很喜歡去旅行的!!

Posted in 【學習】N班, 【教養篇】

返學冇扭計啦!

今日返學MAX好叻叻豬! 完全冇扭計! 所以媽媽就獎佢食左粒THOMAS糖!

而家差唔多每朝起身都會俾佢睇一陣YOUTUBE / DISNEY教材 / 其他VIDEO先返學。睇到夠鐘出門口。十次都九次阿仔都會扭計, 話「再睇」! 但今日竟然好乖咁同「POCOYO」講拜拜!!

我當然超開心! 所以就用”不定期獎勵” 既方法(即係冇特定因咩去獎勵) , 俾左粒糖佢食。

呢種獎勵可以令小朋友捉摸唔到幾時會有獎勵, 而去努力D做好自己! 因為如果佢知道幾時有獎勵既話, 就會只在某D有獎既情況下先做得好。反而係佢捉摸唔到既情況下, 佢先會做出比較多好既表現。

Posted in 【開心時刻】2014, 【LIFE】2013

踏上世界最大的古帆船

2013年2月24日 (星期日)

OLYMPUS DIGITAL CAMERA

由於上星期開始, 阿仔已經同我地講話想搭船「爸爸, 媽媽, 我想搭船!」於是今日就同佢去左尖沙咀, 原本打算搭STAR FERRY, 點知發現原來有呢艘「SEDOV」世界最大既帆船黎左香港! 仲要今日係最後一日! (停留三日) 所以就買飛上去參觀啦!

OLYMPUS DIGITAL CAMERA

OLYMPUS DIGITAL CAMERA OLYMPUS DIGITAL CAMERA

20130224-1

D飛係入口處派發, 係FREE架! 仲估要收錢既添! 我地張飛係今晚8點。於是係附近行左個圈, 買左本THOMAS既故事書, 就返屋企, 俾阿仔午睡。

OLYMPUS DIGITAL CAMERA

訓醒後上左朋友屋企睇BB! 呢個小朋友勁呀! 係趕及新年果刻出世架!
OLYMPUS DIGITAL CAMERA

OLYMPUS DIGITAL CAMERA

之後食左飯, 就再出發去海港城準備上船! 下面呢位應該係船長。
OLYMPUS DIGITAL CAMERA

當時都未知呢隻船其實咩來頭, 只知道上去參觀下, 後來走既時候上網睇, 先知道咁利害!

能夠帶阿仔參觀過SEDOV, 係一個特別而又有意義既體驗! 我自己到呢一刻都仍然感到興奮!!

好玩~

Posted in 【LIFE】2013, 【學習】N班

升N班後

阿仔2月升左N班, 新班主任係一世比較後生既MISS, 傾過一兩次電話, 感覺上佢講野好似學過練習過果D咁! 有點兒似SALES的口吻! 不過整體感覺都OK既! 佢都關心同留意阿仔。

而今日佢打俾我, 就係因為阿仔右眼角損左。尋日返學時都未有, 但我地接佢放學時已經明顯地見到右眼角係損左! 我有諗過係咪訓覺果時俾蚊針 (果晚我訓底一陣就聽到蚊聲, 即刻開燈, 仲要俾我打死左隻蚊! 幾多年冇打過蚊呀……!!) 不過又似抓損左。

ANYWAY, 老師都係出於關心同家長溝通。我地仲傾左其他關於阿仔既野, 例如我話佢呢排好鐘意搵隻手攪自己D EYE LASH, 老師聽到都笑! 佢就話阿仔好活潑! 上堂反應都幾好, 但就鐘意周圍攪周圍摸, 好好奇。而一開始佢打俾我時, 係話阿仔呢幾日返學都比較扭計, 問佢係咪好夜訓。事實上今日返學佢係非常扭計, 喊得好勁, 相信都係因為尋晚訓訓下又醒左, 喊, 所以好眼訓, 又唔願起身返學, 所以更扭計。

班主任話今日上堂畫圖畫 (之類), 阿仔就走去畫花左張檯! 其他小朋友見到都話唔可以!

原來班中阿仔係最細, 其他小朋友都好幫佢喎! 果一下突然覺得唔好咁! 我希望佢自己能獨立一D, 盡量唔需要人幫。不過諗諗下, 咁都好既, 起碼有個榜樣俾阿仔知道, 哥哥姐姐係要照顧D細既小朋友! 令佢知道與人相處要互相幫助。

另外, 由於N班開始有書, 所以亦可以掌握到佢學到D乜, 要同佢溫習都有個範圍。

如有本歌書, 我拎起佢個玩具琴, 邊彈邊唱, 再叫佢唱俾我聽, 阿仔都肯唱, 好攪笑好得意!! 不過個琴就真係太玩具啦! 只有5個KEY……我想買個個大D既俾佢玩!!

Posted in 【LIFE】2013

「爸爸, 媽媽, 我想搭船!」

今日去左赤柱果邊遊車河!

其實想話落大街行下, 不過實在太多車, 冇位泊, 所以就係附近一D路邊停一陣, HEA一陣, 飲D水, 吹吹風…..

當時我地落左車, MAX係車上突然講話「爸爸, 媽媽, 我想搭船!」

下?? 點解佢突然會咁講既呢? 好得意囉! 應該係學校教佢交通工具時學返黎!

唔通MISS問佢有冇搭過船, 然後佢話冇?? 跟住MISS就叫佢同爸爸媽媽講話想搭船????

但係….而家都仲係放緊新年假期, 咁放假前既事, 點解今日突然間先講既呢???

ANYWAY, 我地答應左佢下星期日同佢去搭船了!

Posted in 【學習】

唸詩 與 早期學外語

呢一兩個星期開始讀詩俾阿仔聽, 爸爸都有係夜晚訓覺前同佢讀。

今朝早爸爸叫阿仔背”靜夜思”俾我聽, (佢未識首詩名, 要講頭兩三個字幫佢開始) 我第一次聽到由阿仔口中背出全首詩, 果種感覺實在難以形容咁開心! 爸爸話其實阿仔已經之前已經識背, 都係陪阿仔訓覺果陣時讀。

自從爸爸出左車之後, 我就開始每朝返學都同佢讀三字經, 然後再播日本電台俾佢聽。當時阿仔好快就識接落去 (三字經), 雖然都有記錯左, 混淆左某一兩句, 但表現已經令我非常驚嘆! 小朋友既能力真係絕對絕對唔可以睇小!! 只要你每日或經常重覆對佢讀/講, 即使佢完全唔明白你講緊乜, 佢都能力一字一句地記得清清楚楚架!!

至於聽日語, (唔單只係日語, 我有時都會播韓, 法, 西班牙, 德, 俄語等)。其實只係根據之前睇書既講法去做, 就係幫阿仔”加強聽力&聽多種音頻”。反正聽多D都冇壞處, 又唔係真真正正要佢去學, 要學我都唔識教啦! 總之目的就係幫佢打少少基礎, 假如將來佢自己要學既話, 學起上黎相信都可以輕鬆少少! 咁有幾大幫助我就唔知, 我都係學習同實踐中! 事實上由阿仔出世至今已有一些言論同說法都被阿仔證實了~是真的!

關於學習外語的一些網絡文章 (節錄):

很多語言學觀點認為,語言學習應該從“無聲階段”起步。但是,就好比嬰兒通過收聽與模仿牙牙學語一樣,語言學習者也需要通過聽力練習加以提高。這不僅能強化學過的辭彙與結構,還有助於學習者領悟語言模式。
聽力是我們日常生活中最常用的交流技巧,可練習起來就未必容易——除非你在國外生活或學習大量的語言課程。那到底該怎麼辦呢?找些外語歌曲、視頻、電視劇和電影,然後盡可能地多聽、多聽、多聽!

聽故事是另一個多聽英語的好途徑。你可以給孩子讀故事書,但不要讀到結尾,才查問他們明不明白——你可以邊讀邊觀察和引導,了解他們是否跟得上。

重複句子 引導孩子

緊記要讀得清楚,有些地方可以重複再說。學者W.A. Scott和L.H. Ytreberg曾舉出以下朗讀圖畫故事書的例子:

This story starts on a nice, sunny Monday morning. Who’s the story about? Who can we see in the picture? Yes, Fred and Sue. It’s a nice, sunny Monday morning and Sue and Fred are… Where are they? In the forest. Right. They’re in the forest. And what are they doing? They’re picking berries. So. It’s a nice, sunny Monday morning and Sue and Fred are in the forest picking berries…

大家可以留意如何藉提問、重複來引導孩子理解。英國廣播公司(BBC)和Learn English網站,均有不少適合孩子的故事,既可讀、看,還可以聽。

阿仔對英文故事書, 比中文既興趣大得多! 有時我拎起本書讀左兩句, 佢已經迫埋黎坐係我前面! 望住本書! 對於佢最愛既THOMAS, 更加係會記得故事既某幾句內容! 係句子, 因為呢類型”入門版”都係一頁一兩句。而一句就三五個字。

孩子語感好,容易掌握地道外語

許多對幼兒學外語持贊同觀點的人認為:嬰幼兒記憶力好,模仿力強,而且大膽、敢說,不怕說錯,所以這一時期是學習外語的最好時機。德國兒童教育家沙凡認為,孩子最好從2周歲開始學外語,最遲不得晚於青春發育期。因為科學研究表明,兩三歲時兒童舌頭肌肉尚未成熟定型,是兒童語言發展的重要時期,在語音辨別、語音模仿、詞匯吸收等方面具有成年人無法比擬的優勢,更便於說出地道標準的外語。沙凡的觀點被許多支持孩子早學外語的人引為“經典”。

如果某些孩子確實有語言天賦,又有內動力,當然早學也未嘗不可,但一定要注意語言的規范性。如果不是打算以后讓孩子永遠或長期浸泡在外語環境中,還是應當先重視母語的教育。語言是文化的載體,語言能力代表了一定的文化素養。一個母語修養差、外語半桶水的民族,將會失去自己民族文化的許多可貴成分。
據了解,目前,在歐洲發達國家,一般是讓孩子從10歲開始學外語。我國也有許多城市是讓孩子從小學3年級開始學外語。其實,何時學外語最佳,至今都沒有定論。但可以確定的是,人最佳的學習時機是其對學習某一樣東西最感興趣的時刻

阿仔有冇語言天賦我唔係好知, 但興趣就係肯定有! 除左英文, 主要都係用中文同佢溝通, 生活環境同接觸既人都係用廣東話, 訓練佢中文既表達能力同理解能力都係非常重要!! 至於普通話, 都係同其他外語一樣, 只俾佢聽下睇下玩下, 唔會點同佢講! (根本就幾乎係唔識=0=)

Posted in 【學習】

普通話點讀筆~阿B用左幾日

早幾日買俾阿B學普通話既教材, 阿B都有興趣玩。但始終學英文最深刻, 所以佢見親D咩都係講英文, 人地發聲講普通話, 佢都係要講英文。

其實佢都會自己拎出黎自己玩, 仲好鐘意玩個SPEAKER添! 拎住支筆都會係咁點, 時間就唔長, 點/按D歌出黎聽多, 我點D字俾佢聽時佢都有跟住讀, 但就讀兩讀就冇左興趣!

我會盡量做到每日都同佢玩15分鐘左右, 佢唔一齊玩唔聽唔睇我都照點黎俾佢聽。希望可以做到學英文咁, 聽得多就會自然學到啦!!

Posted in 【LIFE】2013

返大陸, 再去書城

送左阿B返學後, (讀全日制N班) 就去觀塘等HIN, 是日返大陸。
正當我無無聊地等佢而去行JUSCO既時候, 竟然俾我發現左搵唔到好耐既伊滕園綠茶! 不過因為仲有成日既行程, 都係唔買住, 下次再黎。