普通話點讀筆

呢套點讀筆, 之前已經好想買。
呢套RMB598, 另一套一開始介紹我睇既就RMB798。
798雖然貴, 但睇過兩套教材既內容後, 都係598呢套好好多!
798根本就係教英文為主, 有D普通話都只不過係輔助! 冇理由又買多套英文架!!!
呢套就幾岩我心水啦! 雖然冇碟睇, 但佢個”SPEAKER”好吸引! 可以同支筆分開用!
插張卡仲可播歌! 好方便! 如果以呢個價錢, 有埋呢樣野, 我又覺得抵架喎!
支筆既聲唔太靚,但如果由SPEAKER發聲就好好多!
入面D書都OK! 有認知, 認字, 國語拼音, 仲有唐詩同三字經添!!
咁我近呢個幾月開始有同阿仔讀三字經, 我都想佢藉以學埋普通話!
咁樣唔知佢興趣會唔會大D???
其實我知佢未識分咩語言! 會否造成語言混亂?
我就覺得佢遲早會識分, 係初學既時候即使真係亂左, 大大下都會識分!
最重要都係把握佢現時學外語既最佳年齡!
有D話10個月之前, 有D又話2~3歲, 但有D似乎最正路既就話4歲, 甚至6歲!
因為話要先打好母語既基礎! 話如果連用母語表達自己都唔識, 又點學好外語?

阿仔對於英文既興趣係最大, 講故事的話, 中英佢都OK鐘意聽! 不過仍然以英文有興趣D! 佢會自己拎D同佢講過既英文故事書出黎睇! 仲會記得某D內容同對話添! 好攪笑!! 我就認為其實要佢多聽多語, 真係要早D好, 而且都要聽得多!
阿B而家2歲, 事實上係佢歲幾既時候, 對英文更有興趣既表現己頗明顯!
我始終相信, 自小俾佢多聽唔同音頻, 對佢將來大個學乜語言都有點幫助!
我唔會期望佢真真正正咁咁學到D乜, 純粹真係相信「神經元」呢回事!!