大概係兩三星期前開始, 為左加強訓練去廁所, 我就用糖作獎勵!
但係跟住阿仔就病左, 所以唔俾佢食住, 而係用張紙, 畫粒糖記低, 之後補返份獎品俾佢。果排阿仔就成日都話要「食獎品」!
後來佢去去下自己都唔係次次記得食糖呢樣野, 所以就順勢唔用糖做獎品! 而係唔獎!! 只係讚同鍚鍚。其實用糖為獎品絕對唔係好方法!! 好在轉得到! 阿仔又唔會扭糖食。
到近來, 間唔中用下其他獎勵, 例如點點點就可以玩XYZ玩具咁。不過佢似乎一聽到果樣玩具, 就成個腦都係果樣野! 唔記得左要做好呢樣野先! 或者小朋友就係咁簡單! 未能夠整合前因後果…
於是, 呢兩日又開始改用另一種方法, 係參考其他人既做法, 同埋之前睇書講既方法加以更改。
就係儲印仔換獎品!
每次阿仔「行為上」既表現好, 就會吸一個印, 而果一行最後果格, 就係佢會得到既獎勵! 第一次就係夠三個印仔, 就可以去PLAYGROUND。
預計之後既獎勵會有: 去買玩具, 玩THOMAS(盒裝大型玩具), 玩MCQUEEN (盒裝大型玩具)….仲要再諗諗有乜可以做獎品….
仲有兩樣野想做:
1) 開戶口, 一定帶埋佢去, 同佢講解全程, 明唔明都好, 有個概念先。
2) 幫忙做點家務, 一樣係以印仔或其他方法去獎勵。將來係會將呢樣野變成換取金錢, 俾佢明白要為身為屋仁既一份子, 要為屋企作出貢獻, 而佢既功勞係可以得到報酬, 從而教佢理財。
呢D都係參照外國人既做法, 若然實行時發現有問題, 到時再睇下點改!!
