Posted in 【LIFE】生病紀錄, 【學習】

病咗幾日+聽外語

20130424_103916 20130424_103920

4月24日病了~ 去睇醫生。

4月29日 (星期一)

阿仔上星期返左兩日學就病咗,直到今日仲有咳,所以仍然請病假。

我就努力利用多啲時間去同佢睇書,講故事。

佢一見我拎書出黎(尤其套教材果D),通常都好有興趣走埋黎聽我講同一齊睇。好開心有呢種「暫時性嘅成果」,會繼續努力!!

另外,開唔同語言嘅電台佢聽,主要係日語同德語,而佢至愛嘅pocoyo就多以西班牙語同英語播俾佢睇。

因近來準備去旅行,我自己都而學少少french&german,順勢又俾阿仔聽下學下。

Posted in 【LIFE】2013, 【LIFE】飲飲食食

【晚餐】金鳳大餐廳

夜晚去了太子一間好出名既餐廳据扒 ~ 金鳳大餐廳!

0
要等位, 好多人。

去左旁邊個公園仔度玩, 就係餐廳左手邊, 好近。個公園就比較細, 不過阿仔仲細, 都會玩得開心!總好過企係門口悶悶的呆等。

1

呢位小朋友, 食左都未到一半就已經….
2

因為佢冇乜點訓午覺呀! 幾咁精神~都係要玩! 一食飯呢~ 就眼訓啦!
點解D細路仔通常都係咁既呢??? 食飯先黎恰眼訓!

講下呢間野, 好好食呀! 怪不得多人成咁啦! 不過坐就唔係咁舒適! 幸而我地可以坐到卡位, 就好少少啦! 不過感覺同個環境都係比較迫。如果為左食, 就冇所謂! 但食完係唔可以坐耐D果種! 而且佢好得意架! 一排一排咁入座, 然後就一排一排咁上菜啦~! 再之後咪一排一排咁離開~轉人囉!!

Posted in 【LIFE】2013, Quote

踏入另一躍進期?老師話佢突然叻左!

阿仔呢排講野叻左好多。

尋日送佢返學撞見佢班主任, 都話佢叻左, 講野有紋有路了! 問我佢受過咩「特訓」…
我自己都有少少覺得佢叻左既, 不過唔係明顯地「好多」。
而且叻左既係去廁所果方面, 雖然佢未係次次都會講要去, 但起碼每次同佢去所, 條片(後來用底底)都係乾既!
當然有時會因為佢突然講既野而笑左!! 甚至笑到痛!!

好似尋晚咁, 我同佢訓覺時佢又係唔肯定定地訓, 郁來郁去, 我都唔記得點樣令到我話媽媽嬲啦, 唔理你。跟住, 佢訓係我隔離, 望住我, 講左句:「媽媽, 唔好嬲啦!」 (仲要係BB仔口音, 超攪笑!)
果下你仲嬲得落咩?? (即使有時我只係扮嬲)
跟住再黎多句:「下次唔嬲啦!」 又再令人發笑。

另外, 佢而家咩都想要自己做。例如開門, 佢好趕住咁行去一邊準備開木門, 一邊講:「媽媽, 我想自己開門!」著鞋有時都會講「我想自己著」, 總之, 佢的確係好多野想自己做! (佢做既果D!)
即係自己著褲, 可能唔係次次著到, 有D難度, 所以佢寧願拖慢黎做, 甚至唔著!! 都唔會話想自己著! (印象中都有一兩次例外)

 

仲有easter holidays後開學, 佢MISS話佢英文好叻。
事源係佢放學時有位外藉老師入黎同學生講類似放學啦~既說話, 之後就走啦! 阿仔就大叫「MISS??? Where are you going?」(引用老師既轉述)

其實, 阿仔佢係屋企, 有大約七成都係講英語, 包括自己同自己玩, 更加有八九成。

Posted in 【LIFE】2013

resources

接左阿仔放學後, 原本打算上麻麻屋企, 不過電話中聽到佢未唔得閒 (打牌), 我地就去左餐廳食D野先。之後都冇上去, 因為再打電話都係”忙碌中”, 所以我地就返屋企。

Posted in 【LIFE】2013, Quote

驚訝於兒子所學的…@2歲3個月 (27months)

尋晚訓覺前阿仔又唱歌仔!

今次突然唱”when i was young i listen to the radio…

有時候, 連我呢個做阿媽既, 對佢突然做出既某些行為, 言語等等各樣, 都會大大感到愕然同驚訝!!

雖然呢D野都係我或其他人教, 但有時真係估唔到, 好似呢幾句歌詞, 佢未試過咁樣唱出黎! 原來, 歌詞已經係佢心中了!

正如以前所教既一切, 其實佢係學左, 佢識左啦! 只不過未係時候表現出黎俾你睇。

又好似前晚咁, 同親戚食飯。爸爸唔小心倒瀉左杯野飲係我度, 姨婆坐阿B隔離幫佢抹, 阿仔突然同我講tissue, please, 下???!!

都係果句, 雖然都成日教佢同佢講, 但佢真係會出奇不意地突然間講出黎, 而係一個你冇提點佢既情況下!!

Posted in 【旅】歐洲 2013 - 一個人的旅行

歐遊預備。維也納。歌劇。

確定日期, 買機票, 編行程, 訂火車票, 訂酒店, 一切都七七八八啦!

有D後悔揀左去VIENNA而唔去AUSTRIA既HALLSTATT!

HALLSTATT 係「人間仙景」, 幸好我都會去少女峰雪山下既小鎮住一晚…都可以叫做去左一個靚景既地方。

又, SALZBURG 似乎比VIENNA更值得去,STOPOVER果三個幾鐘真係好唔夠…既然係咁,把心一橫, 咩都唔好諗, 只係搵VIENNA值得去既地方吧!!

我選擇左歌劇。

好幸運地, 係我去果兩晚, 有一晚係真正既歌劇! 不過D飛寫”SOLD OUT”, 但仍然可選”STANDBY TICKET” (其實SOLD OUT又點解係STANDBY既??? 唔通呢個英文既意思唔係平時既STANDBY??) 於是, 我就登記左MEMBER, 再選擇左EUR13既飛啦!

得唔得, 最後通知日期時間我就揀左出發前一晚既2359時!!

不過, 我諗佢有既話應該唔會等到果日先通知吧?!

希望有好消息啦!!!

Posted in 【旅】歐洲 2013 - 一個人的旅行

收到TGV火車票

ticket20130408

這是一張69歐的火車票! 不知怎的, 買過幾張了, 就只有這張要寄來! 還說是速遞呢! (free of charge) 也許是最貴, 而且是夜車的關係吧??

收到這封信的方法實在奇怪, 話說我打開木門, 就看到鐵閘上夾著這封信了! 如果真的是速遞, 也太不安全了吧??! 竟然不是親手送到收信人手上! 要是被其他人拿去了, 那我69歐大元不是沒了嗎??!!

真太過份了! 還好我收到!!