Posted in 【LIFE】2014, 【LIFE】生病紀錄

病了, 發燒了 (上) SICK!!

阿仔佢病左….

尋日放學後開始發現佢有D咳, 點知愈夜愈咳得多, 訓覺果時仲係咳住黎訓, 明明好眼訓, 都係咁咳! 仲有D咳到好似想嘔咁, 好驚呀!! 因為以前試過咳到嘔, 所以我都有D陰影!! 好在冇嘔過。

以 為佢只係咳, 諗住今日去買D雪梨俾佢食下, 或者煲下雪梨水啦! 上完學校普通話堂之後同佢去左對面個公園玩, 玩到點半左右走。臨走之前我已經發覺佢開始現疲態, 佢話想飲水, 我就話去食野果陣先, 不如而家走啦! 佢都冇扭計要玩多陣! 我就同佢去洗手間先, 果陣見佢個身有D震! 心感不妙….諗住同佢食完飯快D返屋企休息下!

咁我地就上左大家樂食野。佢都係好攰好眼訓咁, 初時問我拎架玩具車黎玩, 點知玩左冇一陣就話唔玩啦! 話好攰。我叫佢捱埋佢, 食完野就返屋企休息啦!

到食完野之後發覺佢塊面好熱, 應該係發緊燒啦!! 於是上網睇下附近有冇醫生會開! 因為當時係兩點幾啦! 好多醫生都開3點至4點! 搵唔到, 行落商埸睇下啦! 有間有開呀, 不過要有預約先睇得…諗住去watson’s搵下有冇藥買黎食住先, 點知冇! 最少都要6歲….甚至12歲先有。咁我緊係唔博啦!! 再去多次果間有開既診所問, 佢話好多人book左都未開始睇, 醫生又未返, 所以點都冇得睇架啦!

我地唯有返屋企先, 同佢貼退熱貼訓覺。我地仲要搭地鐵返去, 好在有位坐。期間阿仔好眼訓想訓, 但我自問真係冇本事抱到佢返屋企啦! 太重啦! 我就間中叫下佢唔俾佢訓。佢都好乖冇扭計, 超抵鍚呀!  emotion


玩緊果時其實佢個樣都已經好攰啦~~!

返到去貼左退熱貼就訓左啦! 直到佢訓訓下又咳醒左, 我就帶佢出去睇醫生! 期間佢好攰, 我盡量都抱住佢, 因為睇到亦知道佢係好攰好辛苦! 塊面好慶好熱呀! 不過由於我實在無力抱太耐, 所以抱幾分鐘行一段路就放低幾分鐘咁。唉~~~見到佢冇哂精神好心痛呀!

去 左診所探熱成39.4度! 不過呢次阿仔又肯拎架車出黎玩, 只不過玩左陣又”I”埋我度好攰咁坐。醫生話佢喉嚨同鼻都有少少發炎! 都係D感冒。我相信今次絕對係病菌感染…而唔係因為唔小心冷親而病! 可能阿仔抵抗力未能打嬴啦! 雖然前排開始俾佢食司各脫, 但係自己又唔係日日都記得俾佢食喎! 照舊3日藥 (我都唔記得仲叫醫生開3日!), 今次要$270。

而家睇完醫生返左屋企食埋藥, 阿仔亦都已經訓左啦….希望佢快D好返啦!! 原本諗住聽日同佢去溜冰架!! 但病成咁, 好返D都唔會去啦!! 或者下星期…?!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s