Posted in 【LIFE】生病紀錄, 【LIFE】運動

跑步 + 玩scooter

今日阿仔仲有D流鼻水, 本來都想同佢睇醫生, 但我唔知睇中定西好, 最後都係冇睇到!! 我諗住用「自然療法」….即係同佢做下運動, 食下生果咁 (都冇買到…屋企只有banana, kiwi…但未熟), 再跑埋聽日星期日, 睇下情況有冇改善先!

於是今日洗左一機衫, 另一機未洗完之時我地就落左去跑步啦! 佢因為病所以好快就累了! 只跑左兩個圈未夠就叫累, 想唔跑, 我就同佢一齊跑, 拖住咁跑左兩三個圈, 最後都完成左9個半圈!! 叻仔呀!!

不過佢今日就係都要著拖鞋…跑步喎…所以跌左一交損左!!

跑完返屋企, 我又在猶豫去唔去睇醫生….仲同佢講話去架, 攪到佢好想出街玩! 雖然我最後係冇去到, 但阿仔拎住部scooter準備出門口咁款…唯有同佢再落去玩多次啦!!! 大概只係玩左15分鐘左右! 就返屋企食飯啦! 今日又係煮肉餅….我知冇新意, 但健康…同埋好過出街食!!