Posted in 【學習】興趣班

Protected: 又上堂啦!@YMCA

This content is password protected. To view it please enter your password below:

Posted in 【LIFE】2014, 【學習】K2

愈來愈喜歡用劍橋課程

阿仔而家日日都會叫我俾佢玩:「媽媽我想睇book1,book2呀~果D囉!」佢仲要句尾用個「囉」字!好招積「囉」!哈,真係學到我十足十…=”=
我發現佢開始會睇下D字,試過同佢一齊玩遊戲,係要串字,打字咁既,佢都好留心咁睇我打,或者我俾佢聽住黎打。
試過一次仲自己入「組句」果part玩!
聽歌仔亦唔再只係睇有卡通video果D, 好大堆字既佢都睇!有進步。

至於平時玩呢,就變返以前咁,經常講英文自言自語。由於佢屬於一個非常喜愛講野既人,而且中文既表達能力又好好,所以全日都不停咁聽到佢講野,一時中一時英咁,但就以中文佔多數,我估計係6至7成,有3至4成既英文當中,有D係夾雜左係中文句子入面。我認為咁樣非常之唔好,我叫佢一句全句中或英,全句英文唔識就問下人。好似今日咁,佢明明識得「煮」呢個字,佢都將句句子講成「cook俾我食」…暈…!

尋日有三份功課,係寫個「三」字同埋一個數字(我忘了),仲有一張work sheet。今日就只得一個「6」字。佢成日將左邊落筆寫就寫到好圓,所以下半部分就高左,成個字細哂!

Posted in 【學習】K2

寫8字

尋日既功課係寫數字「8」
咁難既,點解唔寫左個「S」先呢?阿仔不停咁將8字下面個圈寫到向左側,唔識將下面個圈同上面個圈平衡闊度。所以做完份功課,我都要佢繼續係張紙度寫熟佢。寫左廿幾個左右啦!都係寫得唔好,算啦!下次再寫。

Posted in 【學習】K2

八號風球

尋日放學仲係1號,但已知將會掛3號,返到屋企冇耐都3號啦!直至夜晚10點幾11點改掛8號添!今朝起身都要望下電話confirm係咪唔洗返學。
尋日放學後老師打黎話英文唱跳班有位啦!阿仔可以上。

Posted in Quote

Honey整到我塊面

阿仔。
同爸爸的對話。

爸爸同佢玩,問佢可唔可以摸下佢隻耳仔,阿仔話得。但話爸爸摸到佢塊面!仲係痴立立既添!
阿仔就話係D honey入左佢塊面度!

哈…識影射蜜糖係可以令人覺得痴立,阿仔你確係醒呀!!

Posted in 【學習】K2

學校的興趣班

係專頁有講,呢度都講返先得!呢度先係我想要好好一直保存至個仔大個可以睇返。

星期三派左表格,先後分別為美術,普通話,英文唱跳。當時問阿仔,佢全部都唔參加,我都猶豫到底參加學校既唱跳班定搵出面果D。所以我等第二日再問過佢!

星期四,佢就答話唱跳班,其他唔報。不過普通話班好抵,700蚊10堂,而且我好想佢學好普通話,語言好重要,所以都同佢報埋,講左佢知,佢都冇抗拒。美術都想佢報架,不過已經有一個唔係出於自願,咁就唔好報兩個都唔自願啦…時間又岩,呢兩堂連住咁上。

點知,星期五交低表格同錢,老師話唱跳班滿啦!要做後補。好受歡迎喎!同一心態,都岩既,人人都重視英文,比重視普通話為多!自己都係啦!最理想係第一英語,第二普通話,第三就係韓文!不過韓文我自學,都教唔到個仔幾多,盡量吧!

Posted in 【學習】興趣班

9月第1堂體操

下午3點搭1,2左右出門口,去到差少少夠鐘,但未開始。呢堂之前應該係冇堂!Good ar~!
image

有兩個未見過既導師,都好後生。同一個主教,即係之前都見過果個。呢堂所見有13個同學仔,全部都未見過架!都知好多人係只報暑期。

阿仔依然玩得好開心!完全冇疲態!

Posted in 【學習】興趣班

再報體操班

本來有諗過不如停一次,下期開班先再報名。不過爸爸話既然有導師讚個仔(仲係特登黎搵家長來讚),咁就繼續參加啦!

呢排好想同佢報多些興趣班。首先係活動類型既,如跳舞,同埋體操。咁體操已經決定左,跳舞又岩岩同佢報左學校攪既星期六班(coby sing and dance),所以呢方面既興趣班就夠啦!

而阿仔對普通話興趣不大,又唔太識聽識講,反而好想佢學好佢!雖2佢話唔想上,但因有需要而且學校學好抵!($700, 10堂, 45分鐘一堂)都同佢報啦!佢今次話美術班都唔上,都好,上兩個吧!本身學校係美術~普通話~sing n dance咁上,咁揀尾兩堂都唔會有空檔時間,唔知去邊丫!不過佢另一同學仔就揀左頭同尾兩堂,咁中間時間就要搵野做下,其實食下野,去下圖書館都好既,但我見阿仔話唔多願上堂,都唔想迫佢太多!

除左運動為主既興趣班,我仲想同佢報個英文為主既班,諗緊好冇報話劇,定係純英語溝通教生活用語果種好!因我想佢講多些,再大膽些!

Posted in We Two

搭地鐵時

阿仔坐緊時,隔離位落車,佢將架玩具車放隔離坐位度玩,我叫佢唔好,有其他人要坐,佢收一收返架車,又再繼續放隔離位玩。我見到有個女人已經走左埋黎,但見阿仔咁樣,佢只係企係度冇夾硬坐低。
我見阿仔仲唔收埋架車,我就走開左唔理佢,佢唔開心想喊咁走埋黎,仲有點發脾氣咁用力拉住我件衫。果下極度想鬧佢,不過我忍住,只係細聲咁話佢,佢話知道自己唔岩,影響到人地,落車都捉佢埋一邊,問清楚佢到底知唔知自己做錯乜野。見佢都知道,我就算啦!

前兩日返學都有想喊,唔捨得我走,係咁用手圍住我隻腳,(兩日有都同學仔一齊入都係話唔想返學)但今日冇啦!好乖咁自己排隊入去,不過見到李老師係門口都唔主動叫人。

Posted in 【買】Online Shopping 網店購物

【淘寶網購】家品

image

窗簾布
跟兒子一起選的,是他最愛的McQueen。
遮光效果不及之前買的那塊星星窗簾,而且也許是顏色窗淺吧,大概能遮到六成光而已。

梳化布
原來自己買少了一塊…有夠笨!不過質量和鋪上的感覺很好!很滿意!
(後記:不怎麼舒適,因為面料略為粗糙,可能自己的皮膚不太好,有時甚至坐得皮膚有點痕癢)

廚房用的防油貼
自己太大意,沒想到原來是透明的啊!一心期待可以把難看的地方貼靚靚,怎料是這樣…完全無分別!唉…

Posted in 我看的

韓劇…

前排睇完「主君的太陽」個女主角勁似朱咪咪果套之後,開始左睇另一套,不過睇D又唔睇D咁,可能之前一直追劇,雖然睇完仲好想再睇其他,但個心底感覺話俾自己知係時候休息下,所以都冇乜心機去睇,今日突然又想睇,仲要有心機睇!原來都ok wor!但我又係唔鍾意個女主角,太樣衰。朱咪咪都好過佢,雖然唔靚,但係自然D同埋睇落都舒服過佢!!

Posted in Quote

想要有細佬妹

頭先佢用緊Cambridge個課程,突然同我講話 “if i have two children, i have to buy two bikes.”
我話你唔點可能有兩個小朋友呀?你唔會生BB架!
「點解呀?女仔先會生BB架?」
我話係呀!
「咁你生呀!」
媽媽唔生啦!
「點解呀?」
我有你一個就夠啦!
「因為照顧兩個小朋友會好攰架?」
哈哈哈…點解你會識咁諗架?!

問佢係咪想要有個細佬妹,佢話係,唔記得話因為乜而想要啦!但佢開頭話想要細佬,跟住好快又改口話細妹…!

Posted in 【學習】K2

K2情況

講講阿仔新學期,K2啦!老師都轉哂,今日知道李老師去左教K3,鄧老師應該都係K1。而阿仔果班有3個班主任,因為佢係大班呀!成32人!另一班,爸爸話只是十幾人咋!

仲有令我更震驚既係,暫時我知道有3個同學留班,其中一個係自己要求既,驚小朋友讀得辛苦。其實佢小朋友同我係一樣係12月,但佢個大小小,我反而從來都冇擔心過阿仔會跟唔上之類。雖然佢性格貪玩,亦比較唔守規矩,(學同學媽咪話齋,佢太自主啦!)但佢學習能力肯定係「強」架!唔係做人阿媽想要認叻,但經過左呢三年幾,我由好「客觀同謙虛」咁覺得阿仔唔係話特別叻,大把大同佢一樣咁叻甚至更叻,變成為覺得阿仔的確「比唔少小朋友叻」。當然,我肯定比阿仔叻既小朋友大有人在,但我諗法既改變都係因為見到同感受到。

最近有媽咪講話唔明白點解d ftm會話壓力大,做ftm辛苦等等。我就講左自己既感受,就係壓力來自「教導」。由於自己全職照顧小朋友,於我而言非只是負責佢飲食同安全,更重要既係教育佢,包括性格,品行,同學術性既野。呢三樣野已經夠大壓力啦!但都好睇個人,有人話有可能因為要同老公捱,左計右計要慳d洗云云,我亦當然經歷過呢種壓力,可幸既係已經脫離左咁痛苦既時期。亦有人全職湊但冇話極度注重品格教育,而我就係非常非常重視呢樣野,反而阿仔細個我就好努力咁去教佢學術野,大大下變左重視禮貌,自理等等。

雖然係咁,我都唔係做得好好。可能自己情緒麻麻,易怒,又可能方法錯左。總之,全職去湊個小朋友同要返工既媽媽相比,大家都會有唔同既壓力同感受,唔應該話因為唔明人地點解有咁既感受而覺得不忿。

Posted in 【買】Shopping

Taobao貨我等不及啦!

image

我決定先出貨!還有廚房貼那兩項未收到,但我實在太想快點拿到那堆箱子來整理好兒子的玩具和一些家裡的雜物!而且我剛才發現如果到旺角自取的話,也只不過是十多元!昨天就應該要先出貨嘛!

Posted in 【買】Shopping

Taobao貨已收到

正在往接兒子放學途中收到快遞電話,

image

幸好對方願意把貨物放在看更處,所以回家後便收到共6件貨了!超級興奮!當然立即就打開來檢查啦!
一共8本的韓語書,也逐一開了光碟來聽了一下,都能聽啊!萬幸。而且發現其中一套三本的那幾本很好,超級推薦!有時間慢慢寫篇文章介紹一下吧!