Posted in 【學習】, 【學習】K2

Blending (Phonics)

話說之前係某間教室同阿仔做左個測試, 開始醒覺佢係對”blending”完全唔識, 於是就搵左D apps俾佢邊學邊玩, 又係 youtube 搵左D教 blending 既video佢睇。雖然D apps 同 youtube 都教得好清楚, 但佢好似仲係唔明白係點咁!即例如 Tab, 人地教左”ab”點發音, 加左個T, T+ab 連埋咁讀佢就唔明!到底應該點教?定係佢未有能力??

Posted in 【LIFE】2015, We Two

迪欣湖活動中心 Inspiration Lake Recreation Centre

阿仔成日話想去 picnic,舊年去過一次,可能佢唔記得啦!前排因為老師講同佢地介紹過迪士尼快線,佢就話好想搭。
呢排又拎返套美語教材既碟黎聽,就更加想去。
尋日先知道今日爸爸要返工,所以尋晚就決定今日同佢搭下迪士尼快線兼去埋野餐啦!次次同爸爸去都係揸車,所以都冇機會搭!仲唔襯呢個機會去搭返次?我都未搭過吔~!

朝早等阿仔起身再出街買野準備整野食,返屋企整左三樣好簡單既野食帶去: 芝士火腿三文治,什果沙律,唐生菜雞肉。如果有「迪士尼美語世界」既家長一定會對呢三樣野有點印象!事實上,阿仔就係要做到幾乎一樣!最好笑係佢曾經講過要打 baseball!一諗起呢樣野我真係忍唔住笑到流眼淚,實在太可愛啦!去 picnic,整 sandwich, chicken 我都仲可以,講到 baseball 就…真係幫你唔到呀仔…..!

Continue reading “迪欣湖活動中心 Inspiration Lake Recreation Centre”

Posted in 【LIFE】2015, 【學習】, 【推薦】

【可愛】瞓覺相。Leap Frog

image

個 blog 好似未 post 過瞓覺相,頭先俾我見到佢瞓成咁,忍唔住影!

尋日星期六,上左 jazz 之後就返屋企,之後冇出過街啦!係屋企睇 Leap Frog (Math Adventure to the Moon),諗起幾年前買既時候都唔知係好野黎!呢套碟有D係教 phonics 同 reading skills~alphabet, word building, letter blending。兩隻教 math skills,同埋一隻 Preschool Skills。

阿仔一向都好鐘意睇,但都係因為太多碟,成日都唔記得呢套既存在。而家想佢學好 phonics,所以要開始睇返啦!

image

除左睇碟,其餘大部份時間都係玩玩具同畫畫!

係呀!佢呢三四日係咁畫,話要送哂俾同學仔,已經送左幾張啦!傻豬丫!佢而家畫畫真係靚左,colouring 都用多左顏色而且感覺整齊!

本來唔想佢瞓午覺,可能佢太攰啦!我瞓緊,佢玩到咁上下走埋黎話眼瞓要瞓覺!5點幾,瞓到就黎8點。所以夜晚佢又好夜先瞓得著啦!接近1點啦!唔可以俾佢瞓午覺呀…

Posted in 【LIFE】2015, 【學習】興趣班

普通話班第一堂

上星期做完測試, 分左班, 雖然話係可以從中間開始, 但俾我既感覺係…一級既都係呢班架啦! 因為佢同我就時間黎上堂時有幾班選擇! 咁即係班班都一樣可以插…不過呢樣都冇所謂既, 反正都係一級, 中間學起又唔係唔得, 識少少都叫做識D丫…應該唔會跟唔到吧?!

上完堂問阿仔好冇玩, 佢開頭答話好玩, 有冇唱歌又話有。點知轉頭再問佢答我好肯定咁話唔好玩, 又話冇唱歌! 只係有讀 (我拎住張紙問佢果幾句野)。

而間教室俾我既感覺係…幾商業化!個普通話老師係做測試時感覺係OK!反而外面既”職員”或”老細”感覺就麻麻啦!第一次去已經令我有呢個感覺!只有兩個字「賺錢」!係現實~事實都係,都唔洗擺到咁明呀?其實我唔介意!最重要係阿仔學到野!不過有D字問返佢都唔係好識講囉!

Posted in 【教養篇】

Telling time

今早起身同佢講左一頁英文生字,另外口頭做左兩版英文comic exercise. 仲有開始左新既幾張字卡認字。再教埋佢睇鐘,長針搭1係5分鐘,教左搭1至搭4。

Posted in 【學習】認字, 【教養篇】

0-4歲【如何教孩子認中文字分享】

一定要讓孩子在沒有壓力的情況下學習!才能令他們產生興趣!

教兒子認字真不容易!

個人認為認字十分重要, 但教小朋友絕對不能用迫的, 所以我試過好幾種方法, 希望能引起他學習認字的興趣。由於兒子"嚴重"地不喜歡看字, 無論是中文還是英文。(英文字母倒是未滿一歲便全部認得, 多得 “Disney World of English” 這套教材) 所以教他認字這條路也不是容易行的喔!! >”<

親子閱讀能激發認字興趣?

很多人都說只要持續跟孩子講故事, 加上父母慢慢的引導, 孩子自然就會愛上閱讀, 甚至能夠認字。

Continue reading “0-4歲【如何教孩子認中文字分享】”

Posted in 【教養篇】

鼓勵

夜晚食飯前,同阿仔讀左一次貼係雪櫃上既兩張紙,一張中文一張英文既「規矩」。
原意係想佢重溫一次以發現自己做得唔好既地方,例如仍然係會手多多,人地拎住既野會唔問就攞。又例如係街唔小心撞到人,唔會立即主動講sorry,不過對我就每次都記得!呢樣就有進步,所以我讚佢做得好,但要記得係街對外人都要講呀!
講講下先發現,原來阿仔有幾樣野已經做到啦!有明顯既進步!例如借左人既野要還,同埋岩岩講既道歉。於是我就拎返佢做得到既例子黎大讚佢有改善。
跟住由果一刻開始,佢變得好乖,我睇得出佢係刻意去做好自己!呢樣野證明小朋友確係好需要鼓勵架! Continue reading “鼓勵”

Posted in 【學習】準備2016-17升小一

無啦啦又睇小學

阿仔出年就要揀小學啦!唔係,應該話今年年尾!因為第一輪係「自行收生」9月交表。其實我冇乜點睇, 不過覺得真係真係要睇睇啦!之前有睇過下, 但由於覺得仲有大把時間, 所以停左冇睇。要了解呢個學位分配既遊戲規則真係唔易….我上次睇完都唔記得哂!睇返都叫做有返少少印象!!

【自行分配學位】
2015年9月入讀小一既, 於2014年9月22-26日報名。
2014年11月24日公佈結果。26, 27日去註冊。

【統一派位】
2015年1月31日~2月1日, 辦理小一統一派位既選校手續。
2015年6月6日公佈結果。及後3至4日去註冊。

今年(即2016年9月入讀小一)既日期唔知會唔會一樣??

Continue reading “無啦啦又睇小學”

Posted in 【LIFE】2015

做手工

20150320_220902

之前係taobao買落好多本既練習同手工等等, 都有好一排時間唔記得左玩啦!阿仔佢不嬲對做手工果幾本都好有興趣,今晚佢突然又記起佢地,可能係搵個書架時俾佢搵返出黎啦!所以佢就揀左呢幾隻錶黎玩啦!仲要好攪笑咁話「我地一人一隻手錶丫!」

Posted in 【學習】興趣班

試堂

image

下午4點半,我們到達上文提及的體操訓練中心。剛進門,感覺……好細啊!原來這裡只有地面,怎麼我一直都誤以為是要上樓學的呢?可能是因為這區比較多舊樓的關係,令我會錯意這是設在二或三樓,而且以為是唐樓之類!嘩~ 總之就很奇怪啦!
場地方面也比想像中細很多,是L型的,轉入去原來是洗手間。兒子進場之後就被帶到洗手間洗手啦!
其實場地只要足夠教到小朋友就可以了!他們人仔細細嘛!哈!最重要是教學內容。
看了足足一個小時的上課情況,感覺比以前那間認真,可能兒子第一次上堂,所以導師都很照顧他,但都沒有忽略其他學生。教的動作多了!見兒子都好開心!
下課後問他的感受,他說很好玩,好開心,更喜歡這裡!我說那我幫你報名,你可以繼續上堂啦!他很興奮地叫喊:「好呀!」
從以上種種,讓我們都覺得很值得學下去。

學費方面, 如果以每小時計, 這間比較便宜一點, (之前是$112.5, 這間是$85)
教的方面, 這間認真許多。例如, 兒子已經在那邊前前後後上了超過半年的時間, 可是, 他的筋依然是硬繃繃的! 導師都說「你咁細個D筋都咁硬既?!」還說學過體操…(我心裡想) 所以兒子上完這一堂, 應該已經鬆了點啦! 有其他小朋友被導師壓得叫痛, 導師說「痛咪岩囉! 痛先有用嘛!」這種才是我想要的! 我期望課堂應該要認真! 而非得過且過。但同時又不會太嚴厲以致兒子害怕, 或者產生抗拒。(這位媽媽要求高了點吧=0=)

原本生怕兩個小時的課堂太長, 但兒子卻說不覺得長!
我們在附近一個看他上堂, 一個在車等, 感覺兩小時好漫長的人是我而已!

Posted in 【學習】興趣班

Gymnastics

尋晚睇左兩個課程,今日已經打左去問啦!
首先係體操班,下午4點半可以去試堂!
另一個係普通話班,聽日3點去做個Test睇下阿仔既能力應該join咩級別。有六級制。好想俾佢一直學,始終普通話都好緊要!
另外仲有游水!諗住都係去YMCA度學啦!有室內泳池方便又乾淨D!!不過要4月先開學,所以或者過兩日先去報啦!

申延閱讀:試堂 (18/3)

Posted in 【學習】興趣班

乜都唔鍾意,除左……

星期二,上英文堂前同Mr.G既對話。
Mr.G: 你鍾唔鍾意畫畫?
仔: 我乜都鍾意!淨係唔鍾意畫畫同埋跳舞o者!
講得咁口響!!
到落堂時,Mr.G同外藉老師講返佢同阿仔呢番對話,外藉老師就話: 佢咩都唔鍾意,淨係鍾意moving and speaking!
Hahahaaa….
笑到我,呢個確係事實!鍾意郁,跳,玩!!
有時諗,湊住佢雖然好攰,但都幾可愛,幾多好笑既野呀!

Posted in 【開心時刻】2014, 【LIFE】2015

【玩】天水圍:香港濕地公園

Eco-Maze

2015年3月15日 (Sunday)

下午我們出發到位於天水圍的香港濕地公園去!

香港濕地公園位於天水圍北部,其所處的土地原本擬用作生態緩解區,以彌償因天水圍的都市發展而失去的濕地。

單看公園這個名稱, 以為只是個有湖光山色很悶的地方, 頂多有些昆蟲之類看看。
原來並不是這樣的, 裡面有很多好玩的東西! Continue reading “【玩】天水圍:香港濕地公園”

Posted in 【買】Shopping

深水埗批發店買衫

住左呢區就黎3年,都間唔中會去長沙灣道果D時裝批發店買衫。有時係佢地舖頭門口擺出黎散貨既平衫都會有好野架!我真真正正咁去揀衫既話應該都唔夠10次,但其實都幾鐘意去,因為抵丫嘛!
一來佢地既款通常都係自己設計自己廠造,款式追貼潮流。二來用料有d都好好,好襟著。所以一抽到時間,我都會去採購一番!
今次買呢幾件唔係放出門口俾人揀既貨尾平衫,而係新款!價錢由80至150蚊,應該會比係出面舖頭買既平d。當然有D更貴或更平,例如門口果D,50蚊左右有交易!
如果想揀門口平賣果D,要提提大家小心check清楚,因為有D可能係有問題,例如爆線,穿左窿,甩線,或者污糟左等等。我咁論盡就緊係試過啦!所以奉勸大家要睇清睇楚呀!

Cardigan image

Continue reading “深水埗批發店買衫”

Posted in 【LIFE】2015

【情人節2015】撞穿頭

內有照片可能令人不安, 介意的別看!

2014年2月14日

這天是星期六, 還記得上完 JAZZ 班, 我帶著兒子到街市去買菜 (這樣寫好”主婦”呢…雖然是事實>0<), 然後回家煮東西給他吃。
當我在廚房時, 突然聽到哭聲, 由於兒子有時都很喜歡”扮哭”, 所以我沒有即時去看他, 以為他又”扮野”(狼來了的故事!!)。

怎料哭聲持續, 而且似乎很淒慘, 於是去看個究竟。驚嚇地發現兒子用來按著頭部的手沾了血!! 看情況已經知道不妙了…..畢竟是頭部!!

立即抱他出去坐著, 用紙巾來抹抹看清楚, 但太多血了, 我自己非常害怕, 也很生氣, 平時總愛蹦蹦跳, 已經教我超級提心吊膽! 今次竟然真的出事了!

打了通電話給爸爸, 他說用水抹乾淨再看看傷勢如何。於是我就用水再抹, 發現在一堆頭髮「痴住」某個位, 又不敢用力抹開, 因為我估計那個位就是傷口了! 想到自己非專業也無處理嚴重傷口的經驗, 無論如何也要帶他去醫院! (爸爸竟然說自己幫他處理便可….=_=)

抱著他走到街上, 等了一會也沒有的士, 路上也頗多車, 唯有打電話叫救護車來吧! 而且有醫護人員到來立即初步”正確”地處理傷口。雖然後來見到只不過是幫他包紮(只看看傷口, 而沒有處理過), 但這已經足夠了! 因為我很怕傷口被細菌感染!!

小朋友撞穿頭流血左: 在救護車上了! 往醫院途中。
右: 見完醫生, 照完X光, 等候去縫針!

Continue reading “【情人節2015】撞穿頭”

Posted in 我看的

雛妓 Sara

2015年3月12日 (星期四)

雛妓

朋友請我看電影”雛妓”, (多謝丫哈哈) 由阿SA蔡卓妍主演。
已經很久都沒有在戲院看港產片, 感想是….故事有讓人深思的空間, 主要是泰國妓女的問題, 覺得感慨。生活在不同國度就有截然不同的人生!每個人打從一出世開始, 路是易行還是難行, 上天早就幫你決定了….(嘆息) Continue reading “雛妓 Sara”

Posted in 【LIFE】2015

想去英國

前幾晚訓覺時, 我地講到話5月去泰國, 阿仔就話佢想要去英國!(明明之前話想去日本架!)
咁我地已經訂好機票同酒店啦!而且仲book左D tour, 唔可以話改就改, 冇可能!
於是,阿仔就喊啦!仲要係喊得好可憐果種!唔知以為咩事……..

我諗, 可能係因為兩個英文老師都係來自英國, 所以佢對英國比較有感覺吧!
好傻豬豬呀!
不過,如果可以,我一定會帶你去架!就算自己一個都會同你去!!因為我都想去丫嘛!嘻~~(旅行喎,有幾時會係唔想架??)

Posted in 【LIFE】2015, 【學習】興趣班

英文班

兒子已經在一間英語學習中心上了4個多月的課,除了初頭兩堂了解過他的學習情況外,都沒有怎麼去問過。
今天去接佢時,剛巧上課的外藉老師就在我旁,我便襯機會問問他。
老師的評語是「英語講得很好」「學習能力很快」「與同年紀的孩子相比,懂得的vocabulary很多」「無耐性」「喜歡走動」「Not Willing to learn」「每隔5分鐘就問: 可以玩遊戲未?」不過他指出這個年紀是這樣的了,特別是男孩子。
今次與外藉老師的對話中,我有兩成是聽不明白的,即是有八成都聽懂了!所以好開心!我自己都要繼續努力學好英語!

Posted in 【LIFE】2015

1 Mar 15

星期日, 我們去了尖沙咀吃午餐!

20150301_130150

原來我對日式的食物是最有興趣的! 本想吃韓式的, 不過那間的幾款都不算很吸引! 結果就叫了這個蛋包飯。兒子和爸爸吃的是味千拉麵, 粟米吃得津津有味!