Posted in 【學習】準備2016-17升小一

無啦啦又睇小學

阿仔出年就要揀小學啦!唔係,應該話今年年尾!因為第一輪係「自行收生」9月交表。其實我冇乜點睇, 不過覺得真係真係要睇睇啦!之前有睇過下, 但由於覺得仲有大把時間, 所以停左冇睇。要了解呢個學位分配既遊戲規則真係唔易….我上次睇完都唔記得哂!睇返都叫做有返少少印象!!

【自行分配學位】
2015年9月入讀小一既, 於2014年9月22-26日報名。
2014年11月24日公佈結果。26, 27日去註冊。

【統一派位】
2015年1月31日~2月1日, 辦理小一統一派位既選校手續。
2015年6月6日公佈結果。及後3至4日去註冊。

今年(即2016年9月入讀小一)既日期唔知會唔會一樣??

另外,呢度講解得好清楚: 小一統一派位遊戲規則詳解(2015-2016年度更新)

比較特別既係呢個網站將選小學既方式, 好似買股票咁分成下圖咁:
(節錄) 家長可按自己可承受的風險程度、自己的要求和孩子的實際須要,例如:「孩子能否適應熱門學校的壓力和工作量?」「喜歡傳統還是活動教學?」「與學校的教學理念是否一致?」「學校地點的遠近」等等的不同因素,選擇以下三種不同的選校策略。
圖解統一派位最簡單、最務實的填表策略 – 「冷熱三分法」
圖解選小學

「冷熱三分法」是以理性和技術的方法,盡量利用較前列的學校選擇,放棄一些不可能的熱門幻想,彌補獲派隨機編號的不確定性,增加成功派位的機會率。當然,各學校每年受歡迎的程度亦是一個未知的外在因素,家長可自行判斷「冷熱三分法」的適用性及因應自己實際的情況作出調整。

本來我都想由佢統一派位就算, 派成點當然好緊要, 不過只要唔太差都會俾佢讀。不過睇黎揀學校既時候真係要小心揀….

仲有一D重點要記低:
【自行分配學位】– 每間學校都已經將大約50%既學位分配了…另外果一半就由教育局去派位。
【統一派位】– 甲部不受校網限制 (每間學校5%), 乙部要選校網內的學校 (每間學校45%)。

填表策略
以下轉載於Schooland.hk

甲部選校策略

統一派位甲部是處理不受學校網限制的學校選擇,每所學校會派出總數學額之 5%,每名申請者最多可選擇三所位於任何學校網(包括本網)的小學。

請留意,由於統一派位是先審閱所有學生的「甲部選擇」,然後才處理「乙部選擇」,即是說甲部的第二和第三選擇其實比乙部的第一選擇更加優先;但是甲部獲派機會相對乙部較微(甲部有 5% 學額,乙部有 45% 學額),因此,有以下甲部選校策略給大家參考。

甲部策略一:若你心儀校網外的一所小學,甲部第一志願應填寫該所小學,第二志願便填寫校網內的心儀小學,第三志願要留空。

甲部策略二:若你心儀的小學在校網內,甲部第一志願應填寫網內的心儀小學,第二志願和第三志願要留空。之後乙部的第一志願再填寫該校一次,以增加成功率和方便日後「叩門」時以表誠意。

請記著,雖然甲部的學額比乙部少很多,但總算有一點機會,你可以留空一個或兩個選擇,但千萬不要把第一選擇都留空。

乙部選校策略

統一派位乙部是處理住址所屬學校網的學校選擇,每所學校會派出總學額之 45%,申請者必須選擇自己住址所屬學校網的小學。這是整個小一入學統籌辦法的最後階段,由於可供派位學額多而要填選的學校又多,選校策略更加重要。

填寫乙部選校時,重點應放在首五個選擇上。首先,把最心儀的學校放在第一選擇;跟隨把次心儀學校放在第二及第三選擇;之後,把一些較多學位,但你仍能接受的學校放在第四及第五選擇;到最後,把餘下沒有填選的學校,全部填上便可。

最後,再提示大家:甲部抽先,但機會少;乙部抽後,但機會大。甲部最少填一間,乙部要填所有可供選擇的學校,甲部和乙部的選擇可以重疊。

係咪好煩複呢?我對呢區既學校唔太熟悉,都係睇下人地既comment,只認識左D熱門學校,更重要認識既係功課量,升中派位(但好多都話睇學校網站既話要小心唔好被誤導),仲有校風等等。

暫時以阿仔既性格黎睇,佢比較適合活動教學,而且小班就最好啦!但一般既津小可能唔會有……搵私校,直資?又覺得冇乜必要洗呢D錢,而且亦都好大競爭。之前唔想煩,就係因為唔想同人爭,我好怕……但如果再睇多D資訊後發現果D學校真係比較適合阿仔既話,我諗都要試試啦!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s