Posted in 【教養篇】

鼓勵

夜晚食飯前,同阿仔讀左一次貼係雪櫃上既兩張紙,一張中文一張英文既「規矩」。
原意係想佢重溫一次以發現自己做得唔好既地方,例如仍然係會手多多,人地拎住既野會唔問就攞。又例如係街唔小心撞到人,唔會立即主動講sorry,不過對我就每次都記得!呢樣就有進步,所以我讚佢做得好,但要記得係街對外人都要講呀!
講講下先發現,原來阿仔有幾樣野已經做到啦!有明顯既進步!例如借左人既野要還,同埋岩岩講既道歉。於是我就拎返佢做得到既例子黎大讚佢有改善。
跟住由果一刻開始,佢變得好乖,我睇得出佢係刻意去做好自己!呢樣野證明小朋友確係好需要鼓勵架!

又講下而家實行緊既獎勵計劃。
之前我係用每個項目黎俾貼紙,如: 朝早起身叫人早晨,自己去刷牙,有禮貌等等。儲夠一定數量既貼紙就有獎勵,例如去冒險樂園波波池,去玩具反斗城(但冇講明會買玩具),想買玩具就要儲更多貼紙啦!而且我又分為「大玩具」同「細玩具」,細玩具即係價錢平D既。佢都有為左得到貼紙而努力,亦都曾經得到過唔少“獎品”添!不過由於我成日都唔記得左貼貼紙,甚至有時連佢自己都唔記得,所以雖然果陣係有效,但我覺得個方法要改改。
大約兩星期前開始用手畫星星黎記錄佢做得好既野,冇特地指明做乜可以得到。又寫明儲夠10個星星就可以買一架Tomy既車仔俾佢 (因為佢已經有兩個Tomy既大型玩具,一個係停車場,一個係我唔知點形容,都係有條有高有低有斜路又可以入電玩既……行車玩具,用返Tomy既車仔先夠fit)。由於佢好想得到,所以非常有效架!
之但係我又覺得儲10粒星星太容易,雖然我俾星星會嚴謹左,但我認為係生活上好多小節既野都係應該要鼓勵!所以就將D星星分拆!意思係,要儲夠3個心心(口頭去計),先可以得到一粒星星,而車仔仍然照舊,10粒星星先有。
由於佢有時既行為的確唔好,我好想罰佢!於是又諗到用扣心心做懲罰!如果做錯既係比較嚴重既,例如打人,咁就會扣星星!

呢種方法對我仔就好有效!我相信好多小朋友都會!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s