Posted in 【學習】認字, 【教養篇】

想買迪士尼年票

以前就覺得阿仔太細,而家4歲都差唔多啦!突然間好想買!原來銀卡大人先至係$988,去3次就已經比7日去兩次果種抵啦!$988去3次平均$330咋!之前都冇乜點留意,怪不得咁多人買啦!

另外,前排就話睇去旅行既野好忙,一睇完又冇咩做咁,又開始多左寫blog,但唔夠一星期我又突然唔想寫,變左睇小學同埋開始計劃下點同阿仔準備。計劃好啦!唔實行既時間就覺得好悶好無聊,甚至覺得個人好空虛!!因為已經冇野寄託了!教阿仔認字,睇故事書又唔需要用咁多時間,當佢返左學或者自己玩玩具時我就唔知做乜好。想睇書但又唔想睇咁,雖然一睇我就好有可能停唔到……

總之個感覺係好想充實D!以前有返工時從來都唔覺得咁想”充實”,都會有覺得空虛既時候,但好快就會冇野。

頭先個人突然間心情極度失落,我知道自己係因為挫敗感。事源食完飯後,我又開始同阿仔睇故事書,佢主動拎本McQueen出黎叫我講既,由於前幾日開始都係我讀一句佢跟一句,於是今日繼續用呢個方法,希望佢能夠從中認到D字。點知當我一停低,指住”lightning”呢個字問佢知唔知咩字時,佢竟然係唔知道……果下好氣餒,同時又覺得乜都只有我一個人去教,包括一D中文圖書裡面既知識。都已經唔係英文,點解寧願打機睇電話都唔幫下手教下?我又嬲自己脾氣唔好攪到阿仔都唔開心……總之好忟啦!

仲有今日下午鬧左阿仔幾次,我都知係過份左,但我又收唔到D火,我又知咁大個人冇得用呢種藉口,所以更加煩躁!唉…如果我唔係咁臭脾氣,我相信教到個仔可以好好多,但因為太易怒,佢又學埋我既表情同語氣。

整餸果陣阿仔沖涼前又因為一d野,沖完涼後佢俾我鬧到喊,仲要好慘豬咁喊。都係因為學左我平時話佢時既語氣。我教佢,所以好多時用既語氣比較硬,而且我本身講野又掘,佢一學左我就一定會係好冇禮貌,我係唔容許既。但當要教時,如果唔用一種硬淨既語氣(即使唔大聲唔惡)又點可能呢?我知,無論如何都係家長既問題..…好啦!又係我……唉!呢D咪壓力囉!難聽d講句,又係自己俾自己。(?!)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s