起身食完野就出門口，因為大衆書局既積分今日到期，有10蚊可以用！
揀左成個鐘咁滯，就係買左呢三本啦！
阿仔本來想買兩本 Big Hero, 後來見到 Frozen 話想買，我叫佢只能夠每樣一本，或者兩本 big hero，佢就揀左各一啦！
有本中文好大本既畫集，全部都係車，船，飛機等等既野，佢好鐘意，而且都有故事性，但我覺得太大本而冇買，而家諗諗下又覺得買都好，從佢既興趣中「引誘」佢認下中文字。本書好似係百三蚊，等我下次自己黎買俾個驚喜佢先！
呢次我睇中文圖書多，有幾本關於安全同危機/遇到意外或危險時點做既書我好有興趣，列入 buy list 先得！
第二樣，就係去左花園街，火車站落黎會見到果間玩具店。買左一幅puzzle同 Thomas路軌「過路處」！個名自己估咋…
呢幅砌圖好靚呀，閃閃地！
呢個就係頭先講既過路處！不過阿仔就將其中一盞交通燈放錯位，應該係兩邊都有一盞交通燈！
返到屋企佢第一時間玩既就緊係 Thomas 啦！書呀！砌圖果D係玩完先睇架啦…佢邊玩邊話好開心呀！完全係真情流露！
Advertisements
