Posted in 【學習】K2

K2下學期功課

image
有加數啦
image
藝術?!

呢個仔,我俾佢笑死啦!明明我去瞓午覺前見到佢做好左上面既配對,我瞓醒起身就見到佢將D線改成咁樣!

但佢好乖仔,係我瞓覺期間做左兩張工作紙,寫左兩行數字。跟住佢入房話「我攰啦!」就開始瞓覺。當時係6點幾!我地去完公園返屋企已經5點啦!沖埋涼食埋野5點幾,即係佢用左一個鐘頭黎做,又冇人睇住佢,叻左呀!陣間起身要讚下佢先得!!

Posted in 【LIFE】2015, 【學習】興趣班, 【學習】K2

公園引發的謎思

image

返埋今日就放假啦!(1/5 紅日)
今日係星期四,由於再上一個星期四冇上到普通話堂,所以今日補堂,兩點開始,上到四點!
點知阿仔冇話攰,或者悶呀、好耐呀等等~ 回家路上我問佢去唔去公園玩一陣,佢竟然好乖巧咁同我講:「返屋企啦!要做功課啦!」可能佢想氹我開心,不過我早已打算同佢去玩,反而變左我鼓勵佢去!佢就非常興奮咁話好呀!去玩一陣啦!我好想去玩呀!
傻瓜…我知你一定想去既!只不過驚我話佢未做功課者!

image

原本打算玩20分鐘,不過玩左唔夠一陣,附近間幼稚園放學,好多小朋友黎玩,阿仔就愈玩愈開心,咁就玩左差唔多40至50分鐘。
期間佢曾經坐係上滑梯條樓梯度,有個女仔去上,阿仔又唔讓人,個女仔竟然一腳踩上阿仔大脾上!我即刻走埋去!
又,有個男仔突然大哭,咁岩阿仔之前好係佢附近,不過走開左。我聽到佢話有個男仔推佢定打佢,我幾驚係我個仔呀!原來唔係!其實我個仔佢極少會出手打人,推人都有可能,但係玩到忘哂形果種,所以都有諗過會唔會係佢。
阿仔佢比較鍾意同女仔玩,都好!我見間幼稚園有幾個男仔一齊玩,玩得好癲下,跌落地啦,一個疊一個咁,仲要見到都走埋去瞓埋一份,我就諗:老師講得岩,佢話如果讀男校,怕唔怕會曳呢?
果下真係嚇到有D驚!阿仔已經屬於活躍(活潑)份子,如果再加多兩三個同類型既就…諗到都想暈啦!

講返少少普通話堂既野,我差唔多夠鐘先上去,佢地仲上緊堂,我望入去,見到得兩個小朋友,另一個就好專心咁望住老師,而我仔就…雖然坐定定,但就望左唔知去邊!我聽到老師問佢問題,我仔全程答廣東話……
落堂時我問老師阿仔上堂既表現,係咪好唔專心。佢竟然答我唔係,係因為佢好聰明,一聽就明,所以唔洗望住佢!(下???)
不過,再一次聽到呢個 point,真係要我相信?聰明既人係唔駛聽書架咩?學校老師有講過話佢聽覺型,所以好多野佢聽左就已經記左係個腦度。希望係啦…
總之聽到正面既評價我已經好開心,但唔會滿足。

Posted in 【買】Shopping, 【學習】K2

英文圖書

image

前兩日買左D故事書俾阿仔!Yeah~ 我同佢一樣好開心呀!以後都唔駛去圖書館借舊書啦!仲可以係床啦!梳化啦!等等既地方睇。

呢套書最令我驚喜既地方係佢有埋隻原聲講故事既CD!仲有本字典送,好正!

image

以後一定會再幫襯!

我們是平凡的一家人
孩子是聖誕節出生的孩子
爸爸是努力工作的爸爸
媽媽是全職媽媽
FACEBOOK可以找到我們
http://www.facebook.com/ftmmm

Posted in 【學習】認字, 【教養篇】

很好的遊戲+認到字

晚飯後,爸爸同阿仔玩左個遊戲,我覺得非常好!就係讀一篇野俾阿仔聽,當佢到個x字,就用筆寫個”tick”號。

以前我睇過類似既遊戲,但就話叫小朋友一聽到某個字就拍手,唔記得有冇玩過。呢個遊戲可以訓練小朋友既專注力同反應!其實拍手既反應需要快D,但劃tick都ok,可以玩完之後叫佢自己數返,睇下岩唔岩。我自己就從中訓練下佢,就係唔可以用手指指住黎數,只可以用眼望住黎數。佢第一次數錯,叫佢數多次,岩。再用手數多次,都岩。 Continue reading “很好的遊戲+認到字”

Posted in 【LIFE】2015, 【學習】準備2016-17升小一

陳守仁小學開放日

image

今早本來要去上最後一堂 Jazz 班的,但由於想去這間學校的開放日,而且之後還要去另一間學校聽簡介會,怕太趕,再加上兒子之前已經說過不喜歡上jazz班,又不肯繼續報讀(今天是最後一堂),所以決定不去上堂了!
我們12點多才出門口,搭的士去到時快12點半。
1點鐘,我們坐在禮堂內看學生表演。兒子看得很投入,不過還是有坐不定的時候。他第一次看見「劍擊」這種運動,好有興趣!而跳舞這項表演他也表示很喜歡看,還說明自己只喜歡看,不喜歡跳…
大約2點多,我們便回家吃飯,然後再出去。
時間不太夠,把兒子交給他麻麻後,我又要搭的士趕去簡介會了!
這校感覺雖然比陳守仁稍遜,但個人認為在此校讀書比較沒有壓力。爸爸聽完我的簡單講述後,表示更喜歡這間小學。
2016年的小一入學準備,現在才是開始啊!不知道自己能以怎樣的心情去渡過,而且對於一些方向還是有點矛盾。

後記:(6月21日)
(一) 有人話不喜歡跳,只喜歡看?但之前表演跳得最投入的是他呢!XD
(二) 後一間小學,在看過一些網友評論後,發現好可怕!如果是真的話那就太恐怖啦!

Posted in 【教養篇】好文分享

【轉載】張堅庭:讓孩子聰明一點的10種方法

《時代雜誌》在面書專頁蒐羅了一些資料,讓父母知道如何讓小孩子變得聰明一點。當中一些建議,我已經前前後後十多年在這裏向各位家長推薦,一些不止是理念,更已經實證可行,效果很好。今次再在這裏向家長和老師重複一遍。

1、音樂讓孩子更聰明

在兩組孩子的對比中,接受音樂訓練的小朋友智力較高,在分數和成績表上表現較好。因為音樂尤其彈鋼琴,光在眼睛、手指、左右腦的運用已非常有效,不要說在藝術修養的培養,氣質的修煉如何如何,其功能性效果已值得我們投放時間。

Continue reading “【轉載】張堅庭:讓孩子聰明一點的10種方法”

Posted in 【LIFE】2015, 【學習】, 【學習】認字, 【學習】K2

自己讀書

今天放學後,我們先去長沙灣公園玩,兩個小朋友都非常開心呢!然後去圖書館借書。
我最近看了幾類型的ebook,好想去圖書館找找相關書籍,可惜未能找到。(妹妹都好enjoy在圖書館走動,不過有點難控制,所以不能花太多時間去找書)
兒子說要找Kipper的書來看,所以今次就把綠色和橙色(Stage 7, 8)系列拿出來讓他選。另外借了一本,是一位好心的姐姐幫他拿的,當時兒子見到坐在隔離的姐姐有本McQueen書,伸手就去拿!姐姐說書架上還有一本,而且二話不說就去拿來給兒子!在此感謝她的熱心!

image

借完書,我們便去餐廳吃午餐,原來已經到了下午茶時間!叫了兩個餐都只是55元!
兒子從圖書館出來就手拿著這本圖書邊行邊睇,逐個字讀…遇到不識的字就問我。我當然不厭其煩地一一回答啦!不過始終在街上走著,不應該這樣看書。連過馬路都不肯把書合上…

image

但他此舉真令我感動!可能受之前強迫他跟著我讀故事書影響,又可能因為幾日前我情緒不好時說的一堆話影響…(要學習還是沉迷玩樂?自己選!)

總之今次他的好學的心令我非常欣賞,當然也有大讚!「媽媽覺得好開心,因為你會主動讀書,而且唔識既字又會問!你做得好好。」

Posted in 【LIFE】2015, 【LIFE】飲飲食食

午餐和晚餐@太子Chafee Brandish

image

今日午餐和晚餐都光顧同一間餐廳!就是離家不遠處的這間”Chafee Brandish”.
下午兒子放學後帶同妹妹來,叫了兩個午餐。晚上我們三個人,叫了一個二人餐($348),無需加一。還可以選紅酒白酒,我們選了紅酒。

image

兒子吃的這個麵包好好味!他本來說要全部吃光,最後都肯分一些給我們!Good boy.

image

image

飲了一杯紅酒的我感到很累,回家不久就倒頭大睡了……

Posted in 我看的

父母規

最近剛從facebook看到這篇, 我們也許已經為孩子訂下不少規則, 但自己作為父母, 是否也該為自己定下一些規則呢?其實是有必要的。我自己需要未至於寫下「規則」, 但我會把有參考價值的文章記下, 有時會在手提電話上寫張notes, 好讓自己時刻記著一些重點。

原文連結在此, 內容如下:

我們為仔女訂立規條時,可曾有想過也為自己訂一些規則?
我們對子女立規條,其實當父母的也必需要有規可遁,才能以身言教影響小朋友。

這裏有12條「父母規」,只要跟着做不單可以改善親子關係,還可以培養出樂天盡責的小孩。
請你列印出來,每天最少唸一遍,你便會感受到當中神奇的魔力。

Continue reading “父母規”

Posted in 【LIFE】2015, 【LIFE】生病紀錄

睇西醫

呢幾日都有D流鼻水,今朝早返學時見到佢因為有鼻水而令對眼都有d淚水,似係敏感到咁。一時又唔記得同佢戴口罩(仲好似冇帶),到放學時老師話覺得佢有D感冒,所以就同佢戴左口罩。

而且我開始聽到佢有幾聲咳。

於是等佢瞓醒午覺,大約已經6點幾7點,就同佢去睇西醫。點解講明睇西醫呢?因為好耐都冇睇,呢幾個月都係睇中醫。

睇醫生時,阿仔對醫生個聽筒很好奇,問醫生可唔可以俾佢聽下!!點知個醫生超好人(其實不嬲都覺得)真係俾佢聽呀!嘩…我妒忌呀~我咁大個女都未聽過呢!哈哈…

Posted in 【LIFE】2015, 【學習】K2

汗巾「這個可以給妹妹用」

今朝早起身返學,阿仔係櫃桶拎襪著時,發現左呢條汗巾,拎住黎同我講話一陣間可以俾妹妹用!

image
從未用過的汗巾

由此可見阿仔有幾咁期待妹妹黎!同埋對妹妹已經好上心啦!

好啦~今日妹妹冇黎到,佢今次只係問左句:「妹妹冇黎呀?」就冇再話唔開心,之前係次次都有架!可能開始習慣妹妹唔一定日日都黎。

image

放學,每個小朋友都拎住呢個植物…老實講,我已經唔記得左叫乜?只記得我地以前係用蠶豆,而且仲要係小學先開始種!佢呢種好似係紅豆?

當然要快快手手影低先啦!唔係過一兩日就…

Posted in 【LIFE】2015, Quote

4歲的【我的志願】

前排學校教職業,阿仔話佢大個仔要做警察,態度仲要係好堅決果種!果陣未夠4歲。問佢點解想做警察,佢話因為有槍,可以「砰砰!」…..再問多D佢就話想要捉哂D壞人!

好啦~呢排唔知點解突然改左口,話大個想要做”Cleaner”!冇錯!佢係話要做清潔工果種cleaner….!「因為我做Cleaner做得好囉!」平時佢有幫下手吸塵,唔通因為咁令佢有滿足感所以想做?

又話想要駕駛垃圾車….可能佢呢期對垃圾車最好奇吧….!XD

我並冇刻意去講D關於呢兩種工作既野….因為我唔想破壞佢既「理想」!而且小朋友既諗法成日都會改變!暫時無須太認真!

Posted in 【學習】, 【學習】K2

新字卡學英文句子+短文加強理解能力

今日睇佢本手冊時搵到佢今個星期學既英文字, 諗住由佢剛學既生字去開始教佢認全句句子。例如butterfly, 仲好有心機咁搵埋其他野去教佢, 如 pollination, 呢個字我都係剛學識。另外教佢串埋butterfly, 串左三次。

前兩日又買多兩疊白卡紙, 我本來想買一疊, 但阿仔話要買兩疊, 佢係知道我用黎教佢認字,好有心!哈~ 尋日開始寫左幾個新既中文生字俾佢認下, 今日開始寫英文, 由幾個佢識既字開始, 再申延加一兩段較為詳細既內容, 作用唔係俾佢認, 只係用黎當聽多D英文句子, 等佢既理解能力好D!自己亦從中記多D句子結構。

仲有幾張每張寫4行短句子, 如 “The pig is pink. He likes to play in the mud.” 俾佢讀同認字。都好成功咁教左一張, 而背面我都用埋黎寫一D關於豬既野, 我先知道 (或者學過但忘記了) 原來豬唔識排汗, 所以先咁鐘意 play (roll) in mud.

好鐘意咁樣去教佢!自己又學到野!

Posted in 【學習】, 【學習】認字, 【學習】K2

認字

以前都提過,用過幾個方法去幫佢認字。
例如一齊睇學校派返黎既中文課本(內容有一半係故事,阿仔一向都好有興趣)。同一本書講好幾次,佢都係只能認三兩隻字!
又用字卡,佢對呢種當然冇太大興趣啦!但佢係肯認既,只不過非常無趣,令佢感到比較困難。好似「奇怪」同「特別」呢兩個字,用左兩星期都仲未認到…
今朝早,我忍唔住啦…要佢一邊用手指住D字一邊讀。之前都試過,但非強硬手法,今日就係!每一頁都只不過係一行字,連埋標點符號十幾個字咋!讀左兩版,以後果幾日都要繼續,試一試佢得唔得!

差D唔記得,仲有一個方法就係 print 張紙,寫左一D野,間中同佢讀下。都有用架!佢有時都會叫我讀佢聽,不過只限英文果張,中文果張可能內容悶D佢冇興趣吧!呢排因為有妹妹係屋企,佢食飯就係對住中文果張紙食,所以呢兩日佢都係度搵佢識既字黎讀喎!我又乘機教埋佢認隔離左右果D。

Posted in 【買】Shopping

Mama’s Toys~!

image

就係佢地啦!之前睇左成個星期,終於都係忍唔住手買左!呢兩個係Yahoo bid返黎,其實右邊果個Byul我麻麻咋!貪佢條裙靚,點知隻公仔D「較」超級軟,下下就彎哂腰…D頭髮又難攪!仲有條裙係好易甩…
至於Pullip就好鍾意!雖然話冇左張紋身貼紙,但我覺得完全冇問題丫!係D頭髮好難整返順,但都俾我不停咁整,整到好左好多啦!
其實幾年前開始鍾意Pullip,覺得佢好靚!前排睇Instagram令我突然好想玩BJD,我去左Luts睇,落左單添架啦!當然未俾錢啦!因為我仲好猶豫買邊個好,有幾個都好靚,仲有揀衫呢!不過佢就貴得多,兩千蚊一隻公仔,未計衫。而且要等至少一個月先出貨,我驚生日前都收唔到…想話送俾自己做生日禮物呀!之後又見到yahoo有得bid,比即買既平,所以就bid啦!果時手多多bid埋Byul,結果冇人同我爭,哈哈…咁就是但啦!買埋…
好鬼靚,擺左係電腦隔離,有時玩the sims 4,要load好耐時就望住佢地,心情都好D!!

Posted in 【LIFE】2015, 【學習】, 【學習】K2

English

講完數學講下英文先。

前排PRINT左一張紙, 寫低左阿仔所識既 “B” 字開頭既生字, 打下打下先發覺原來淨係B字頭都已經識好多啦!咁打埋其餘果25個字母咪….我意思係有排佢認!

開始左夾夾埋埋幾日,因為間中會停左一至四日不等!我一次教一行~3個字, 或者兩行~6個字。有D字當然未認到, 當我用Blending既方法去提佢時, 佢答到呀!例如 Bank, 我先讀 “an”, 再問佢 “b” + “an” 即係?佢答到, 我問佢咁加k係尾呢? 佢就識讀啦!好開心,要繼續努力!