晚飯後，爸爸同阿仔玩左個遊戲，我覺得非常好！就係讀一篇野俾阿仔聽，當佢到個x字，就用筆寫個”tick”號。
以前我睇過類似既遊戲，但就話叫小朋友一聽到某個字就拍手，唔記得有冇玩過。呢個遊戲可以訓練小朋友既專注力同反應！其實拍手既反應需要快D，但劃tick都ok，可以玩完之後叫佢自己數返，睇下岩唔岩。我自己就從中訓練下佢，就係唔可以用手指指住黎數，只可以用眼望住黎數。佢第一次數錯，叫佢數多次，岩。再用手數多次，都岩。
所以呢度要讚下爸爸！今次都算佢有心啦～
另外，頭先阿仔瞓唔著，我就叫佢出黎一齊讀書。佢開始肯主動話一人一句啦！今次已經係第”幾”次啦！即係唔係第一，兩次，起碼四至六次。
我同佢一路讀，都發覺佢開始認得多左d字，例如”the”。
最令我surprise既係佢竟然識”holiday”呢個字！！我問佢點解會識，係咪英文老師教？佢話唔係，係佢自己認得，隨即就去拎果本書出黎。一睇，原來真係呀～我當堂感動到有少少淚光！！太開心啦！
呢本書借左返黎唔係好耐，但我有半迫佢咁跟住我一齊讀，竟然真係俾佢認得個字！開心到呢…
Follow / Contact Us :
Our Diary 家庭育兒生活旅遊分享
Please support & like my page!
