樓下後面開左間西餐廳，今晚去到岩岩有人埋單，有位。
入到去最入面果兩張檯，仲有兩隻好大隻既狗仔毛公仔，隔離檯個小朋友一見到阿仔就即刻遞一隻俾佢！兩個仲玩得好開心添！
我地叫左個餐，另叫一個肉醬意粉。
餐湯一飲就覺得好麻麻，冇誠意之作。
沙律，爸爸話好難食！
肉醬意粉塊芝士就咁撻上面咁焗，都係一般。
個餐既扒就唔錯啦！細塊D，爸爸話因為塊扒靚，所以好食。
最後個甜品，我就覺得都幾好！
整得幾可愛~阿仔一見到就即刻要食啦！不過我都係要佢食多兩啖意粉先可以食甜品。
餐廳外面既擺設幾吸引，裝修以咁細間黎講都算簡單但靚。食物就一般，唔會推介。但都有機會再黎，因為好近屋企！對比起另一邊馬路果間就差好遠，果間正！！起碼個湯有誠意呀！衰在慳料左！塊多士薄到冇人有！
