4 MAY 2015
Day 3 (Part 2)
從蛋島TOUR回到酒店後，大家都變得精神起來！因為在車上已經睡了一會，所以我們決定回房間梳洗一下就再出發。
在酒店門口上了TUK TUK，想要去這條搭車經過覺得好熱鬧想來逛逛的地方～但我不知道這條叫甚麼路，唯有說要去”Banana Walk”吧！就在這條路上！原來這條路叫”Thawewong Road”。
下車後，見到這輛車仔檔賣Pancake，一埸來到當然要試試啦！
兒子說要吃朱古力味，唯有選這款；Banana Nutella
結果是～～好漏呀！甜到暈啦～除了加有Nutella外，還在完成後再加噴咀裝的朱古力～～暈！
今日放學搭地鐵時，有個小朋友係前一卡，我地企正兩卡中間既位置，阿仔就係度同人玩naughty action，即係扮拎槍bang bang果種。只要唔會整到其他人，我都由佢玩。
跟住開始同人地講野，我聽唔清楚對方講乜，但阿仔就好認真咁話「緊係唔係啦！人人都會死架！人人都會老，然之後就死架啦！你都會死架，我都會死架…」(汗…)
雖然事實係，都唔需要同人講嘛…個小朋友仲好細…不過令我有點surprise既係佢講野都好叻呀！唔似佢既外表，可能已經3歲。
剛才兒子上普通話堂時，我在門口聽到他跟老師講廣東話…落堂後撞巧老師經過，我便順便跟兒子說跟陳老師說話要用普通話呀！老師聽到便跟我說慢慢來，他聽得明白她說的話。 Continue reading “普通話堂 & 買書”
我好少買中文故事書俾阿仔，亦好少去圖書館借。呢幾本係大約兩年前係淘寶買，成套有十本，阿仔都幾鍾意睇。
尋晚佢就拎左呢三本俾我同佢講故事，我只係講左兩本，其餘既佢自己睇，又睇到要訓覺都仲要睇。
近來我少左同佢講故事，忙其他野，但而家開始我要再努力啦！一定要堅持每日都講故事！同時要開始訓練佢自己講！
加油加油！！
尋晚瞓覺時，阿仔突然唱左首普通話既歌，仲以為係學校教，我問佢，佢話係4樓果個老師教既！(即係自己去上堂果度)
一直都覺得學校既普通話堂冇乜效果，舊年有同佢報學校興趣班補一補普通話，都比較睇到佢係學到野，一唔上就好似冇咁。
聽到佢唱呢首歌時好感動，至少佢係鍾意上堂先啦！因為平時只聽佢鍾意上英文，又講過唔鍾意上普通話！其實佢都已經好投入啦！起碼學識左唱歌仔都代表上得開心。
唱完一首又唱第2首，好安慰，又好可愛！
跟住佢開始教我唱，仲話我唱得岩啦！然後仲整個good既手勢添！果下加埋佢個樣…真係好攪笑！
M.R. In UK 