識得去便便啦！

今日有幾次見pocoyo狀似要便便，於是帶佢去企缸。
入到去再同佢講「痾poo poo啦！痾vv啦！」
跟住佢就會開始轉圈！成功！
有一兩次係廁所外面，冇獎勵。只係讚。
但有兩次好成功咁痾到正！我就俾左尋日爸爸買返黎既「練牙力零食」俾佢作獎勵。
雖然話第時有機會攪到隻狗狗為左食物而夾硬痾，但呢一刻我實在覺得識去廁所太重要啦！我唔理咁多啦！第時最多咪唔俾零食獎勵！

最開心係佢明顯明白呢個動作：抱佢入去+痾poo poo。因為佢聽到就會望下個狗廁所。
我又發現一樣野，如果佢急佢一入去冇耐就會開始轉。如果唔急就放好耐都唔郁，會趴左係度悶悶不樂咁。