Posted in ♡護膚扮靚分享♡

做FACIAL@蚊型美容院

唔記得有幾耐冇做facial啦!可能係多達六年!
近日生左好多暗瘡,唔知係咪內分泌失調…>"<
再加上皮膚愈來愈乾,搽乜都冇用嘅!頂唔順,終於都搵咗就近嘅一間小型美容院試做facial。

試做價係$250。原來呢間之前已經存在嘅美容院啱啱轉咗俾佢哋做,睇嚟都算有緣!如果我早一頭半個月嚟想話做facial就大件事啦!冇join course由自可,join咗就唔知點算…唔知佢哋會搬去邊。

下午阿仔上完PHONICS補堂後去問咗兩間美容院,最後揀佢哋係因為好近屋企,夠方便。呢排睇唔少團購嘅美容療程,但又睇到好多負面嘅comment,例如團購說明嘅字眼十分取巧,甚至喺電話度答過嘅嘢都可以唔認數。買左團購又要提早預約,而且聽聞唔係咁容易book,我呢D唔係話隨時隨地都得閒去做,相信會難上加難?!仲有仲有,團購係自己療程,其實唔知啱唔啱自己皮膚…又怕因小失大~貪平反而會出血更多!種種原因令我卻步。
仲有仲有,地點又未必啱我,我偏向地點就腳、方便,要湊仔就係要諗埋呢樣架啦!所以最後都選擇唔買團購!

line03

呢間美容院好細,係長形嘅,入面只有兩張床,中間隔一條可能只有尺半嘅通道,一推門入去可以話係冇位坐。下午去問嘢嘅時候只有一位女士喺度,上咗年紀嘅,講真(如有得罪多多包涵)我真係未遇過差唔多年紀嘅美容師,但就俾到信心我!會覺得佢較有經驗,而且開間細細哋嘅美容院,都應該只求以技能維生,或者係消磨吓時間又搵吓錢咁。

而問過嘅另一間就遠啲,要過彌敦道,比呢間大少少,入面個女士都比較年輕,開始時感覺友善,但問多幾問後,我開始覺得佢唔係咁友善啦!其實佢表情冇太大改善,但我嘅感覺係咁…
但唔揀佢哋又唔係因為呢個原因,只係因為遠咗啲!(我真係好懶㗎囉!)

問完之後都要返屋企先,因為要等到爸爸返黎睇住阿仔先可以去做,唔係帶住佢我就暈啦….!
五點幾,打電話去近果間問有冇位,約左6點。

去到有人做緊,而另外仲有一位美容師C,呢個就比較後生啲。
試做係可以試任何一種,即係好似我今次做嘅呢個:RF機,都係收$250試做價。
佢哋開左兩個星期左右,都係以價錢吸引人先,咁事實上,佢哋都唔錯丫!好nice,亦唔算hard sell,sell 就緊㗎啦!亦都預咗。我有心做嘅,佢哋都唔需要太hard sell。
要讚嘅係年紀較大嘅一位,主要係佢幫我做。佢嘅按摩手勢一流!有力,又舒服!唔知係咪面部會比身體受力呢?平時去揼骨,我一定唔可以大力…

由於我揀咗RF,佢本來話試做唔包眼,但都幫我做埋!仲話咗一句「我哋冇乜所謂,為人為到底!」哈哈,好攪笑,竟然用呢句嚟形容,所以話佢哋好nice好好人。

最後我join左個10次既course,佢哋送左張 valmont 嘅 mask 同兩支 sample 俾我!

image

image

我比較鍾意細細間嘅美容院係因為唔會成日唔同人同我做面,以前試過一間都唔係大嘅,但話哂都有大約5~7個美容師,除左第一次試做之外,其餘次次都係唔同人同我做。我記得當時係問咗佢,第時可唔可以指定book佢幫我做,佢話得囉!但一次都冇囉!我就係覺得佢做得幾好先join喳嘛!講真,我唔係揀美容院,係揀美容師,技術好緊要。所以啲美容院就搵個做得比較好嘅幫客人試做,然後…

講返呢次 facial,唔知係咪因為太耐冇做,定係因為呢部「RF機」勁?做完塊面真係煥然一新!皮膚細緻咗!冇之前咁乾。美容師A話呢部機係做面部緊緻,我第一次做完又唔係好覺,睇吓以後嘅日子如果先!
我前排都算努力敷mask,但可能死皮或角質消唔乾淨,所以點敷都係唔得,乾到不得了…唔知點解自己用peeling pdt嘅效果始終都唔夠美容院好。

今次係我人生中第一次接觸「RF機」, 所以做左啲資料搜集。
Source: link

經研究和專家引證,專業用單極射頻儀器有助改善輕微至中等程度的皺紋和皮膚鬆弛問題。
根據美國皮膚病學會,專業的射頻處理是可有效達至收緊皮膚的非手術性電流美容技術。
專家認為,射頻儀器將電能傳至皮膚深層,在過程中,由於皮膚組織對電流抗阻而產生熱能。當足夠的熱能傳遞到大範圍組織時,可促進真皮層內的膠原蛋白即時收縮,以及刺激傷口癒合反應,因而產生逐漸出現的組織收緊效果

專家指出,真皮層須溫熱至約60℃至65℃(以數秒計算)才可達至美容療效

安全是另一個關注重點,以下人士不宜使用射頻美容機:體內植有心臟起搏器、除顫器或金屬物質(例如金屬線);曾接受永久性填充物注射(例如液態矽)或最近曾接受填充物注射(例如透明質酸);皮膚有傷口或最近曾接受侵入式皮膚護理(例如光學處理、化學換膚);玫瑰痤瘡患者或對熱力感覺較差的人士。

好想快啲去做第2次!攪返好啲皮膚!

line_flag

Please support us!
請讚好專頁, 支持繼續分享, 謝謝 ~♥~
Our Diary 家庭育兒生活旅遊分享 

也請讚好最近新開的 Facebook 專頁, 售賣100%韓國童裝, 謝謝 ~♥~
MAXX MAMA 韓國童裝

Advertisements

2 thoughts on “做FACIAL@蚊型美容院

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s