午餐…已經很久沒有吃過的「合味道」杯麵。
今早回家前去超市時見到，突然好想吃。
然後，看到這個乳酪，又突然想吃。
Day: August 11, 2015
音樂農莊日營第二日
第2日啦！我哋8點55分出發，去到九龍塘買咗個麵包，原來旅遊車上唔可以食嘢，要食咗先上車。阿仔就話晏啲先食，唔想而家企喺度食吧！
9點15分已經到達，當時見到啲旅遊巴喺度，但未上得住。好快就見到有人行埋去，我哋又行。
咁啱聽到Candy姐姐話D1,2,3喺前面，於是行到最前，諗住頭車係啦！點知係D3,D4嘅。
等左陣都唔見D1車嚟，又見到後面D5,D6嘅後面都有架車，於是行去睇吓會唔會係我哋嗰㗎呢？原來真係！
阿仔上車後都只不過係22分，我便回家了！
雨褸
尋日以為唔見左件雨褸，最後搵得返。但由於呢件都開始細件啦！同埋係斗篷型，所以決定買返件新嘅。
去咗花園街側邊嘅精品店，揀咗呢個款俾阿仔。
只需$109，著上身都大件，手袖較長，要摺兩三吓，但褸嘅身長就OK!
呢件舊嘅，兩三年前喺大埔一間外質舖度買，幾十蚊咋！個款又未同心撞過，超抵！！
