今日5點7左右先到學校，比平時等得耐咗，而且又同老師傾咗一陣，去到圖書館時我諗都6點有多。
今次可以借6本，全部借哂英文圖書。
其中呢兩本上次已經見到 :
屬 size 細啲果隻，好新淨，即刻就決定借啦！雖然阿仔對 “Roman Town” 完全唔認識，唔知佢有冇興趣，但有得掀內頁，應該都會鍾意。事實上佢一上車就拎住嚟掀啦！不過係另外果本: “Mummies and Pyramids”。
至於仲有果4本就全部同一類型 : 大大本嘅故事書。
因為我怕重又覺得好“阻訂”，成日都唔揀大圖書，但呢期又想佢睇多啲大圖畫。加上入夜啦 (放咁晏好快就天黑)，諗住搭的士返屋企，重都係行好少路啫！所以先會借…嘻嘻～
