恭喜發財！祝大家新年快樂！事事如意！身體健康！（好重要）
2016年2月8日 (星期一) 猴年既大年初一。
未試過「新正頭」去許願樹, 雖然我地有個親戚住呢頭, 但記憶中咁多年都冇試過過去! 今日唔知邊個提議呢? 總之一聽到我就想帶阿仔去行下, 或者係”見識下”!!
都唔洗10分鐘就已經到啦! 真係好近。
條街好多檔口賣呢D野, 當然仲有D特色食品, 例如茶果, 我就買左個眉豆味既, 9蚊一個!
打鼓唔知係代表咩呢? 好多人排隊想打兩下!! 我地個個都打左幾下呀!! (除左我)
呢個 area 好似係參觀自家種植既野, 但我地冇睇, 一見到門口既稻草人就掛住影相! 而且實在太熱, 好想快D行去目的地…許願樹。
呢邊仲多野食呀~ 比較集中。
呢棵唔係許願樹, 但好似好受歡迎咁??
呢棵先係~~~ 許願樹
我地買左兩個「寶牒」, 俾小朋友掉上樹。(註:個桔係假的…)
睇阿仔個姿態~~ 笑到肚痛!! 好難掉架!!
