5日前兒子跟學校去花市買的水仙已經開花了! 好靚! 再一次讚賞兒子的選擇!!
(相關文章: 學校帶隊行花市 )
今日年初三, 我地下午出發去 Grandma 屋企拜年, 然後一齊去食野。
因準備今晚係grandma屋企度瞓一晚, 所以帶定D玩具! 其實阿仔唔想去, 不過佢都好耐冇陪下grandma啦! 而且grandma本來聽日要返工, 都特登請左假! 所以我地都努力去說服阿仔。同之前一樣都係好唔想同唔捨得, 所以要比較花時間同唇舌去同佢講。當然佢都好乖仔, 最後都係肯去啦!
食完野去 Playground 玩陣就開始入大姨婆屋企拜年啦! 估唔到今日咁凍呀…我就凍到震啦…好在阿仔著件褸都夠厚。
走既時候阿仔攰到幾乎訓著, 落車時 grandma 抱佢仲喊同攬實我, 唔想離開我…雖然會有點心痛, 不過大個仔啦! 唔可以咁架!! 而且聽我媽講, 佢本來抱住阿仔既, 佢地望住我地離開時都仲扭扭地話掛住我地, 但一見唔到我地就要落地玩啦! (我地已離開佢既視線範圍) 完全係兩個樣, 哈哈!!
M.R. In UK 