我地帶左D零食上機, 諗住拎出黎食既時候發現包野變成咁樣….
睇唔睇得清呢? 係變成漲卜卜咁, 好得意!!
去台灣 (台中) 真係好快! 個幾鐘頭就到啦!
10點45分順利入境, 第一件事就係去ATM襟錢! 確實係比去唱錢平呀!!
襟完錢, 拎埋行李就去搭的士。
今次旅行既主要目的其實係去影婚紗相!! 所以第一個目的地就係瑪莎LiLi既門市, 放低行李, 然後去左附近既「親子餐廳」:
梨子咖啡館
由瑪莎LiLi行去梨子咖啡館只需不到十分鐘既路程, 沿途都幾舒服! 會見到呢間: 七個小日子。
仲有間7仔係附近!
瑪莎LiLi新的門市面貌:
至於婚紗攝影既詳情遲D先再寫啦! 呢篇主要都係記錄返成個行程。
Please support us!
請讚好專頁, 支持繼續分享, 謝謝 ～♥～
Our Diary 家庭育兒生活旅遊分享
食完野之後就開始一連串既揀衫揀裙既行程, 跟住搭的士去我地住既酒店:
黎客商旅
大堂好細, 連梳化都係大堂既另一邊, 即係上圖見到既右手邊, 搭電梯旁邊既位置。
下圖見到既就係其中一張梳化。
我地間房係2樓, 202窒。
都幾大間架!
洗手間就正正方方咁。
放低行李再休息一陣就出發! 由於酒店位於台中其中一個熱門地區:
逢甲商圈
所以我地今晚就決定係夜市度掃街啦!
去之前都有做下功課, 不過都係冇刻意去搵, 大概知道邊條街係比較多推介既店舖, 就向果邊出發。
第一樣買既野食就係
大腸包小腸!
原來呢間就係我睇過有人介紹話好食既一間!
我地買左兩個, 一個原味一蒜味加辣, 味道都唔錯呀! 辣果個都真係幾辣下, 我就食唔到啦。
跟住我地見到呢間玩射擊遊戲既好似幾得意咁, 一於試試!!
我玩先! 原來只有20發子彈, 要打哂板上面全部~即係18個汽球, 就可以得到獎品。我打剩3個! 然後到爸爸同阿仔玩。我覺得好唔抵, 所以玩多次!! 今次就全中啦!! YEAH~~ 不過都打失左一粒彈。總之打哂18個汽球就有一隻自選既…比較細小既公仔啦!
而阿仔就揀左呢隻, 我真係唔識佢, 只隱約對個樣有DD印象…阿仔就識佢, 話佢叫做 Perry !
跟住我地見到呢間放哂大大盤既蕃薯片 (逢甲蕃薯哥), 好新鮮下喎! 揀左一包打算聽日去到清境果邊食。有得試食既, 不過感覺上果個哥哥仔唔係十分樂意俾你試咁, 因為我地只係試完一種口味就好似想我地即刻買咁!! 咁緊係唔得啦!! 要試堆其他先決定買邊種架係嘛?!!!
其實都唔算好特別, 口痕當零食食下既都可以買黎一試。細包既都係NT50。
再行前D右轉會見到呢間:
我地買左各一!! 爸爸想食呀!
口渴啦, 我揀左呢間:
“溫的”玫瑰炸奶。(即係暖既)
我真係唔多知咩係炸奶, 飲完都係冇答案….
對面呢間: 86雞排, 有BLOG介紹過, 試下啦!
有點熱氣…阿仔又仲咳緊…但係好多野佢都唔多肯食, 所以就乜都俾佢食D, 睇下佢鐘意食乜! 呢個雞排佢都只係食左一兩啖就唔食啦!
今次佢地係呢間買野飲 – 熱紅豆牛奶: (不過可以同佢講要暖既…即係”溫的”)
準備返酒店, 但因為阿仔食得唔多, 所以係呢間好多人食緊既”傻瓜麵”, 買左兩碗麵:
傻瓜麵 & 肉燥麵
返酒店食。
爸爸都怕佢未必岩食掛, 所以係隔離呢間度又買左野俾阿仔食:
差D唔記得講, 仲有買左呢個叫做「紅茶臭豆腐」返去, 都係睇BLOG介紹的!
幾好食架! 左上角果D醬仲好鬼辣添! D臭豆腐細細舊幾易入口, 食下一舊食下又一舊。
係呢間都有介紹過「來自星星的炸雞」既隔離:
今日到此為止!! 謝謝收看!!
【TRAVEL】台中 2016 全部文章:
【台中之旅】第一天 (上)
【台中之旅】感覺好 fresh 的親子餐廳：梨子咖啡館
【台中之旅】第一天 (下) 【食】逢甲夜市,【住宿】黎客商旅
【台中之旅】第二天 (上) 黎客商旅去老英格蘭莊園
【台中之旅】第二天【住宿】老英格蘭莊園~幻想曲房型
【台中之旅】第二天 (下) 【晚餐】香格里拉空中花園 (民宿)
【台中之旅】第三天 – 早上依然迷幻的老英格蘭莊園
【台中之旅】第三天 – 老英格蘭莊園維吉諾餐廳吃早餐
The Old England (Taiwan) ~ Photos by Max
【台中之旅】清境老英格蘭◊晚上◊照片
【台中之旅】第三天 – 台中動漫彩繪巷+國美館外圍
【台中之旅】第三天 -「國立台灣美術館」兒童遊戲室
【台中之旅】第三天 – 若茵農場 (驚險…)
【台中之旅】第三天 – 一中商圈
【台中之旅】第四天 – 丫德俐鼠童書城 & 聖彼得堡主題遊戲餐廳
有興趣FOLLOW我們的話, 請LIKE FACEBOOK PAGE:
M.R. In UK 