陪阿仔瞓覺時，佢突然間問我個問題，好得意!
“你想呢個世界嘅人係點呀？”
咩點呀？
“我想自己係個好聰明嘅人! 咁你呢？”
唔…我想你成為一個好聰明，又善良，又唔容易發脾氣嘅人。我哋一齊努力丫！
一個五歲嘅小朋友會問呢啲問題嗎？我唔知道。只覺得佢好可愛，之前都聽過佢話自己寫字寫得唔夠靚，其實佢好想做得好好，不過事實上好多時都係做出嚟同佢理想中嘅完全係兩回事。
好似今日咁，同佢一齊去買嘢，當然唔係玩具啦！佢好悶，唔知可以做啲乜，就做佢不嬲都好叻果樣 : 攪攪震。
攪吓人哋啲護膚品，坐上人哋鋪頭幫人試產品嘅櫈上，仲拎咗支唇膏畫咗上塊面度！嚇到我以為佢又流鼻血！
總之全程都攪到我噴哂煙啦！
但既然如果佢心底裡係希望做到一個聰明嘅人，我真係要好好努力！
佢冇問咋！如果佢會問 : 媽媽，我係問你想做一個點嘅人，唔係想我係點呀？
我會答佢 : 媽媽想做一個好好嘅媽媽，可以將你教好，喺你成長嘅路上一直扶持同引導你行一條正確嘅路。
有興趣FOLLOW我們的話, 請LIKE FACEBOOK PAGE:
也請讚好最近新開的 Facebook 專頁, 售賣100%韓國童裝, 謝謝 ～♥～
MAXX MAMA 韓國童裝
