【台中之旅】第二天 (下) 【晚餐】香格里拉空中花園 (民宿)

上篇講到我地係影完相之後就返去我地今晚住既房: 幻想曲二人/四人套房。由於BOOK左車六點半去食晚飯, 返房後影下相休息一陣又落埋妝, 都已經夠鐘要落去大堂啦!

我地房門口左邊就係呢條樓梯:

阿仔呢幾日係咁影相…佢真係好鐘意呢份”禮物”! 仲有都好鐘意影相! (同我一樣)

前面就係大堂入口:

酒店大堂: (右邊好靚架, 遲D開篇黎POST!)

影張相先!

酒店好有效率! 司機已經等緊我地, 即跟上車。

本來以為 Package 有包呢一晚既晚餐 (因為酒店位置問題), 點知原來話冇包喎!! 又話小朋友加床要附加費 XXX, 包早晚餐既?!! 咁冇理由加床有早晚餐, 但原先果兩個係冇家嘛!!!

Anyway, 瑪莎LiLi 既攝影師們已經幫我地同酒店講左仲安排左, 所以晚餐先有著落…..唔係都唔知點算啦!

沿路上山…車程唔駛五分鐘!

途中見到呢度有間7仔, 如果唔怕黑同行山路既話, 夜左想買野食都可以行上黎買既….我就唔會啦! haha….或者叫酒店車唔知得唔得呢?!!

到達今晚晚餐既地方:「香格里拉空中花園」

行一小段樓梯: (阿仔岩岩轉身…個身影有D恐怖)

呢度都整得幾靚!!

Please support us!
請讚好專頁, 支持繼續分享, 謝謝～♥～
Our Diary 家庭育兒生活旅遊分享

門口:

入去啦~

阿仔行緊入去果度, 有幾張梳化, 環境都幾 relax :

咁多車, 阿仔緊開心!!

我地被安排坐去最入面一張二人檯…

自助吧可以自由拎野食。

我地都好肚餓啦~ 即拎!!

主菜來了~ 我地揀左一個魚, 另一個係豬手!

魚我覺得麻麻啦! 豬手味道都可以既, 係有少少淡! 未至於話好好食, 我俾8分。

飲品既選擇都唔少! 有好幾款清淡既茶, 汽水, 咖啡, 果汁。

咖啡機, 有 Espresso, Latte, Mocha 等等! 仲有熱朱古力同熱牛奶。

另外仲有呢三款, 同樣係朱古力, 仲有奶茶, 至於個抹茶拿鐵呢, 我試過, 怪怪地…飲唔落。

仲有仲有呢部機: 可爾必思(咩黎架?), Apple Juice, 冰水都有!

仲有仲有! 仲有糖水添! 是晚係綠豆沙, 幾好味。

食到好飽啦! 雖然只有兩個餐, 但係食埋自助吧D野都夠哂。

返到酒店都未夠八點, 我地就周圍行下啦! 好多相想 Post, 但又唔想一篇太太太長, 所以下次先。

返香港後上網睇過, 呢間「民宿」「香格里拉空中花園」, 係同「老英格蘭莊園」同一個集團, 因為 click 入去訂房既版面, 兩間都有得揀! 其實係有三間, 仲有一間叫做「清境霞飛音樂城堡」。有時間我會去望下…或者有機會再去台中先啦! 太多野要做啦! Orz….

返到酒店當然要 hea 下啦! 阿仔好乖, 話眼訓, 然後就自己上床睡覺了! 我地就係廳睇下電視, 飲下紅酒!

呢支紅酒係佢地酒店自家製架!! 寫住”The Old England”, 所以應該係啦! 都OK好飲。

有興趣FOLLOW我們的話, 請LIKE FACEBOOK PAGE:

Author: MaxXmas