我地去左「澳洲牛奶公司」食野。
次次黎親都好多人排隊, 其實今日都有, 不過既然一次都冇食到, 排隊都照排啦….(阿仔未食過, 我自己就食過兩次)
可能多左好多人既關係, 之前覺得超好味既炒蛋而家一D都唔好食, 一食落去就已經過咸。
而D通粉同叉燒都冇乜特別, 相信都唔會再特登黎排隊了…
不過仍然唔少香港人食!! 因為次次見到排隊既好多都係強國人…但食野時坐我地附近既都係香港人。
醫飽肚, 重點黎啦! 我地打算今日去踩單車! 出發前上網搵過一D親子踩單車既好地方後就決定去呢度~西九龍海濱長廊
剛到達已經覺得呢度好舒服! 阿仔可以盡情咁踩佢既 Scooter 啦!
望出去就係維港。
行左一段路之後就搵到租單車既地方啦! 但忘了影相…廿蚊一小時, 我地遲左八分鐘還車, 所以收左40蚊。
其實…我只係同阿仔踩過兩次單車! 第一次仲要係得我地大人踩, 佢齋坐架咋! 而學校旅行時先叫做第一次正式踩, 不過如果唔係同學仔話踩, 我都未必會同佢踩…真係衰呀…果次佢踩4個轆, 都算叻叻, 因為叫做踩得郁…哈哈!
講咁多, 都係想講…今次就堅係叻叻啦! 因為冇4個轆既, 所以就租左架冇輔助轆既俾佢踩。結果呢! 佢學識啦! 真係好感動…好開心呀!!
Please support us!
請讚好專頁, 支持繼續分享, 謝謝 ～♥～
Our Diary 家庭育兒生活旅遊分享
也請讚好最近新開的 Facebook 專頁, 售賣100%韓國童裝, 謝謝 ～♥～
MAXX MAMA 韓國童裝
由入口入黎一直向海方向行, 左手邊就會有呢一大片呈圓形既空地, 主要都係俾人踩單車。我地就係同阿仔係呢度練習啦!
踩到攰攰地休息下!
只係影左一張正面既…
CUT左之後張相就變得好差了…
下次再影過!!
地點：西九龍海濱長廊（網站）
如果方向感正確, 租單車 (小童) 位置大概係下圖既”W”。至於大人呢, 我見入面範圍已經有D泊係度可以”自助形式”咁去租, 頗方便, 但我地冇租所以未能分享。
(圖片來自: 此處)
雖然位置唔算十分方便, 不過鬧市區要搵D咁既地方真係困難! 所以都值得放假去休閒一下! 唔踩單車都可以去坐下, 或者野餐呀!! 我仲見到好多人帶埋狗狗黎, 下次一定要帶埋 YOYO 豬黎啦~~!
(圖片來自: 此處)
有興趣FOLLOW我們的話, 請LIKE FACEBOOK PAGE:
也請讚好最近新開的 Facebook 專頁, 售賣100%韓國童裝, 謝謝 ～♥～
MAXX MAMA 韓國童裝
