阿仔瞓到10點先起身。
佢尋晚成點幾鐘先瞓得著！暈…
今朝起身第一件事當然係刷牙洗面然後食早餐啦！跟住就緊係要做功課啦！
有一份中文作句。
一樣係抄寫英文句子。
一樣係抄寫中文句子。
仲有一張英文工作紙。
尋晚佢已經做咗一樣半，工作紙同作咗一句句子。
工作紙好簡單，佢通常都會揀做先。
然後造句，抄寫類功課就最遲先做，仲要必定係英文先，然後中文。
因為11點半要出門口上籃球堂, 所以只係完成埋另一句中文作句, 同寫左少少中文。因為我係佢隔離, 雖然唔係眼金金咁睇住佢做, 但佢都做得比較好。
食完飯返到屋企玩一陣再做。
俾佢自己做，但係D字寫到…完好多都唔得！要擦要重寫，攪到我都滾滾地…佢做做下自己話要訓一陣, 以為咁叻知道自己眼訓去休息, 但係佢好耐都未訓得著, 係咁玩。所以好有理由相信佢只係想「逃避」！！！
叫佢起身做功課, 唔好係張床度唔知做乜。
呢次我較時間俾佢, 唔係佢隔離啦, 諗住俾自己自律下, 限時內完成。
不嬲佢既心態都係要叻、要嬴！點知…….
我全程都幾乎聽到佢自言自語！！我知佢一定好唔專心, 但估唔到差到….成九分鐘都寫唔到五個字！！！！
叫佢去訓，我都訓。佢得閒又郁下隻手（佢有D訓覺陪住佢既細公仔）又好細聲咁唔知講乜，攪到我都訓唔到，訓下醒下。
重覆好多次叫佢靜Ｄ，唔好郁啦！過左好耐佢終於都訓到啦！ Thanks God!!! 叫佢訓午覺好似打杖咁…
見住佢訓左覺個樣, 又覺得好可憐…
點解咁可愛既一個小朋友, 可以令人咁激氣！要人咁樣鬧佢？
俾人鬧一定唔開心, 我諗到呢樣自己都心痛。
今個星期既表現，左邊係老師的評分。
竟然有一項係 “4”，有一項係 “3” ….到底阿仔係咪有………
ADHD?!!!
Advertisements
