K3 – 親子遊戲日

 

阿仔學校呢兩日舉辦親子主題遊戲日，我就當然係代表啦！爸爸要返工嚟唔到。

我哋1點50分到學校門口，冇幾耐就開門啦！

喺門口行入去嘅時候已經派紙俾我哋分組，所以入到去就知道排邊條隊，唔會亂。幾好！

第一樣玩嘅係小廚師，就係一齊整咸薄撐。
我呢個唔多識煮嘢食嘅媽媽，就唔記得咗落鹽啦！
不過阿仔都話好食！仲好啦！少啲調味料健康啲嘛！

跟住就出去玩親子遊戲。
阿仔玩得太興奮，佢通常都係咁，一玩就好癲好開心…但就跌咗兩次。

然後就係最開心嘅時刻，因為可以著唔同職業嘅制服。
阿仔分別著郵差同警察制服，個樣好得意呀！！

最後我哋入一間課室做手工。阿仔整咗架警車，點知最後我哋漏咗喺地鐵站門口嘅扶手上面…阿仔好傷心，仲喊添！好可憐豬豬呀！

～♥～ 我們的專頁 ～♥～
Our Diary 家庭育兒生活旅遊分享
Please support & like my page!