Posted in 【教養篇】

講講教養

20160624_101336.jpg今日認真爽!因阿仔返十點幾,放下午四點半,因為要為畢業典禮綵排。即係我又足足有接近六個鐘頭既自由時間!

其實平時佢逢星期二都會返早D(11點幾)放五點半,而黎緊亦都仲有三日會係返呢個時間,其中兩日仲要係(如無估錯)放五點半,仲多一個鐘頭添!!呢D咁寶貴既「自由時間」對於我地呢D”Full Time Mom”黎講,確係聽到都令人無比興奮!

今次想講既主要都唔係呢樣野,而係,呢個衰豬!放學一接左佢,我同老師企係門口傾左幾句就突然間唔見左人!!我當然估到亦都知道佢去左邊啦!就係跟咗同學仔&同學仔屋企人走咗去水池果邊玩。但係咁樣係唔得,無法接受佢呢個行為,因為佢冇話我知更加冇問過我可唔可以自己行先就走咗去,所以我要嚴厲懲罰佢,下個星期成個星期放學後都唔可以去水池果邊同同學仔玩。

Continue reading “講講教養”

Posted in 【LIFE】飲飲食食

冬瓜薏米湯 & 炑八晚餐

今日去買餸時,俾菜檔個阿姨 “Sale” 我買啲冬瓜返去煲湯,我從來都未煲過㗎!😅
佢叫我買啲薏米加條紅蘿蔔再落兩三粒蜜棗去煲,當然仲有瘦肉啦!咁我就一於試吓煲啦!
我仲加咗啲眉豆同唔知係扁豆定赤小豆,屋企有。
其實我覺得唔落紅蘿蔔可能會好啲!不過阿仔鍾意食,當益吓佢!哈…
第一次煲我自己覺得唔錯啦!煲湯咁簡單…

是晚雖然有煲湯,但係又冇整到餸!懶得整就出去食,爸爸講咗好耐話食韓燒,一於滿足吓佢啦!😁
附近有一間7080,但我哋覺得又貴又唔係話好好食,所以自從食過一次之後都冇再幫襯過了!寧願行遠啲去炑八。

image

今次叫咗個餐,係多咗少少,都食得哂!原來啲牛肉咁好食,對牛肉興趣薄弱嘅媽媽都覺得好好味!今次仲係第一次食呢度嘅芝士生蠔,唔知之前有冇?我覺得都唔錯喎!個餐仲有八爪魚,蝦,雞同多春魚等等。 Continue reading “冬瓜薏米湯 & 炑八晚餐”

Posted in 【學習】, 【每日】學習內容

早餐後學習

今早未夠9點起身, 反而尋日要補堂返10點, 就訓到9點幾仲要我叫佢起身。
不過阿仔都算好叻, 尋日叫佢起身, 話要去上普通話堂啦! 佢就即刻彈起身, 落床著拖鞋, 非常抵讚!

食早餐時, 佢同我講話想睇碟 (Umi-zoomi), 我話你食完野做下練習先, 佢好乖咁話好。
今日就俾左一本英文 (K1-Grammar), 同一本 P.1 Comprehension) 佢做。
另外同佢串幾個字: January, February, March。呢3個都係學校新教的 Vocabularies, 通常老師會抽幾個黎「默書」, 所以我記得既話都會盡量得閒就同佢溫下。

咁樣就過左一個鐘, 一做完阿仔就即刻去玩 Lego, 睇碟當然就忘記左啦! 到佢記得果陣, 已經得返10分鐘就要出門口了!

Posted in 【學習】K3

端午節。學校整粽

今日返學時間係8點半,要去水務署參觀,學習珍惜食水同認識污水處理等。放12點幾。

由於天氣太熱啦!我哋都聲趕返屋企,問佢想午餐食咩?佢揀食粽!

image

就係呢個,阿仔喺學校整嘅粽!味道清淡,阿仔仍食得津津有味!因為自己整嘛!

image

Posted in 【學習】準備2016-17升小一

去小學註冊

上星期收到小學嘅註冊信,可以尋日或今日去註冊,好在揀今日去啫!尋日落好大雨 (黃雨)!今日就好好天啦!而且爸爸可以一齊去。再加上本大廈由上午9點半開始停電,至到中午12點半,緊係唔好留喺屋企啦!
於是等到爸爸返嚟後,我哋就搭小巴去學校。
交咗兩張支票,一張係書簿雜費,一張係課本費用,仲有張 autopay 嘅授權書。另外去交校車表格同留位費支票。
阿仔又發揮熱愛“so so”嘅精神,同啲姨姨傾計!
攪掂哂就行返出去亞皆老街搭巴士去返學啦!點知架車太慢,我哋中途落車轉的士!返到學校已經遲到了!本來返11點25分,我哋45分先返到。放學仲有個同學仔問我哋點解今日咁遲添!
另得知幾個同學都派到頭志願,有啲考直資/私小收咗。都慶幸阿仔考到呢間小學,希望真的讀得開心又輕鬆,最重要係教好品格,同埋打好個基礎。我其實都好重視成績,不過都會以“唔好令佢怕咗或抗拒讀書”為前題,等佢慢慢培養喜愛同主動學習。

Posted in 【旅行】雜記

取消暑假去旅行的機票和住宿

上個月, 即5月初, 計劃暑假帶兒子去日本玩個十日八日, 想要慢遊和細味媽媽非常喜愛的京都, 還有順道感受一下衹園祭的慶典(尾聲)。

上一回去京都剛好是十年前, 但只快閃了兩天, 而且沒有在京都住宿, 都是在大阪即日來回。
也沒有到訪最想要去的衹園, 那時候「藝伎回憶錄」很流行嘛!我看完那本小說之後一直都好想去…沒辦法, 那時候要上班, 假期沒那麼多, 想去的地方卻有很多…大家都應該明白的!
所以, 留有少許遺憾, 想藉此次跟兒子兩個人的旅行, 好好地在京都慢遊細玩。

決定要去旅行就滿腦子都在盤算著旅行時的活動, 例如想到跟兒子租個單車, 拿著地圖前往想要去的地方, 覺得累了, 或是太熱的時候, 就找個地方坐下來, 最好是鴨川, 可以看看途人, 吃個雪糕, 也可以讓兒子把所見到的事物畫在早有準備的畫冊上….寫生。

亦打算在大阪住幾天, 方便前往奈良、環球影城等。噢~ 想到這裡我又有點 upset ….實在有太多想要跟兒子一起做的事和想要去的地方了……暫時寫到這裡好了, 接下來就是 action!因為暑假勢必多人到日本自由行, 機票酒店都要盡快訂。

於是, 透過旅遊網站: expedia 預訂兩張前往大阪KIX的機票 (大人$2970,小童$1955, 總價:$4925)。

另透過 airbnb 預訂了兩間民宿 (京都4晚$2758,難波5晚$2566, 總價:$5324)。

兩者均於同一日預訂, 可見我有多快手!決定好了就急忙把行程 fix 死了!雖然這樣做可能不太好, 但以個人經驗來說, 這樣做可以令自己不用三心兩意, 猶豫不決。 Continue reading “取消暑假去旅行的機票和住宿”