今次係MAX第一次去澳門, 而我呢, 印象中都只係第二次黎咋！對上一次已經係十年前。
５月１４日
搭下午四點半船。
解悶方法—畫畫
大約一小時船程 (應該係45分鐘左右) 去到澳門, 即搵接駁巴士搭。
原來個巴士站都好近好方便! 仲大開眼戒, 因為架架車都係去酒店/睹埸, 而唔係要入錢搭果D公共交通工具! 即係話, 你去邊都唔洗錢, 最緊要你搵岩路線!!
我地住既酒店係~百老匯酒店, 好似係舊年先開。
大約6點半左右拎左房, 放低D野就出發。
先去呢間…星際！
有SHOW睇, 但係MAX就睇到咁既樣….
唔通係個女DANCER太….「凸出」？！！
呢度有我地住間酒店既模型：
咩事咁既樣呢？唔俾我影你？！
跟住我地就去食晚飯，唔記得間野叫咩名….食左千幾蚊, 有魚、聖子、蝦等等啦！
食完就緊係去行吓、散吓步啦！
去澳門，仲要係第一次，冇理由唔去吓「大三巴」架！！
MAX 好有探索精神! 咁多級樓梯都要行上去!
終於上到頂啦~ 仲咩都唔理就學其他人咁坐係度！！！XD
影完相，本來想去食糖水，但係呢個小朋友太眼訓了！所以我地就返酒店。
Advertisements
