Posted in 【教養篇】

講講教養

20160624_101336.jpg今日認真爽!因阿仔返十點幾,放下午四點半,因為要為畢業典禮綵排。即係我又足足有接近六個鐘頭既自由時間!

其實平時佢逢星期二都會返早D(11點幾)放五點半,而黎緊亦都仲有三日會係返呢個時間,其中兩日仲要係(如無估錯)放五點半,仲多一個鐘頭添!!呢D咁寶貴既「自由時間」對於我地呢D”Full Time Mom”黎講,確係聽到都令人無比興奮!

今次想講既主要都唔係呢樣野,而係,呢個衰豬!放學一接左佢,我同老師企係門口傾左幾句就突然間唔見左人!!我當然估到亦都知道佢去左邊啦!就係跟咗同學仔&同學仔屋企人走咗去水池果邊玩。但係咁樣係唔得,無法接受佢呢個行為,因為佢冇話我知更加冇問過我可唔可以自己行先就走咗去,所以我要嚴厲懲罰佢,下個星期成個星期放學後都唔可以去水池果邊同同學仔玩。

佢就係個咁嘅小朋友,有得玩就咩都唔理,阿媽係邊個、喺邊度都唔知、唔理!一玩起上嚟就忘哂形。我都知道小朋友好多都係咁,但我亦知道有啲小朋友唔係,就算係,都可以教,而且應該要教,必需要教,同埋俾佢知道個嚴重性。

有朋友甚至同學嘅媽媽都話我太嚴,管得太緊。其實個個小朋友性格唔同,我自問要求佢要做到嘅嘢都唔算係好高要求,因為我一直都有就住佢去調較對佢嘅要求了!佢嘅性格係咁,我都不斷試緊用咩方法去對佢會好啲。但有啲嘢喺尺度以外就冇得傾!例如起飛腳踢人或舉起手作勢打人,佢甚至試過拎起個好大個嘅木製玩具,笑住口咁扮打人,借問聲呢啲行為可以接受嗎?(佢呢啲行為一直間中有發生,但係呢排密咗!) 因為已經講過好多次,一發現有呢啲行為,我係絕對冇機會俾,一定會立即帶佢離開,玩緊乜都唔可以再玩。咁做,阿仔係會立即喊,有啲人見到就以為我好嚴,攪到個仔喊得咁可憐!只不過係阿仔嘅反應過大…或者我都係!因為我一定會鬧佢幾句先,比較好嘅做法會係…平靜地話佢知錯乜,然後帶佢離開,都係要平靜同冷靜。事後亦都必定再詳細“教導”多次,我處理每一件事都會咁,做咗當時當刻嘅決定先,然後再盡快搵個適合嘅地方去同佢講理,嚴重嘅可能喺街已經捉佢埋一邊話,否則都會選擇返屋企先講。

喺教養路上除咗要孩子學習正確嘅行為同觀念等等,同改正錯誤之外,大人都要努力學習!!我就覺得好多時係大人自己都未必做得好啱,反而要求小朋友做得好好,係咪有啲本末倒置?身教很重要…努力做好自己先。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s