Posted in 【開心時刻】2016, 【LIFE】飲飲食食

Papa’s Birthday Dinner@Sky726

5th July 2016

一家之主一年一度嘅生日又到啦!今次我就揀咗去試吓呢間喺彌敦道726號最高果層嘅“Sky726”食生日晚餐,見到Openrice嘅評價都唔錯,呢幾日又落雨,個人又好似好攰咁,貪佢近近哋唔洗搭車都去到,又可以食我最鍾意嘅西餐。

點解爸爸生日要食我鍾意嘅嘢?冇計啦!我揀嘛!而且佢都鍾意食牛扒果啲!至於阿仔對呢類型嘅嘢食反而就麻麻哋,每次都唔係食好多嘢,最吸引佢嘅莫過於係餐飽同甜品,連啲湯佢都麻麻,完全唔似我呢!

電梯到達25樓開門後就會見到呢張 bar 檯,好似去咗酒吧咁!有點 surprise 嘅係餐廳好多人,估唔到閒日都幾爆吓!好在我前日 book 檯都有位咋!但環境嚟講就幾嘈吓!!

因為經 openrice 訂檯,而我又冇再刻意打去嘗試要求一張窗口位嘅檯,結果就冇窗口位坐,而被安排喺近 bar 檯隔離嘅一張4人檯,有些小遺憾添!

我哋叫咗一個 set dinner 同其他嘢食,先送上麵包。

冇俾牛油,問先有。不過個個侍應嘅服務態度都好好!值得一讚。餐飽暖暖哋,味道冇乜驚喜。阿仔鍾意食,食完仲話要埋我果個,但佢講得唔太有禮貌…

然後到個湯,係忌廉南瓜,可恨點解唔係忌廉蘑菇?嗚…都幾好味嘅!但個人對果堆細細粒嘅蔥好反感,極少餐廳會落堆蔥入個湯度吧,估佢唔到。

阿仔用部平板揀咗杯嘢飲: Very Berry,確係“very berry”!! 70蚊一杯嚟講算交足功課!當然我就認為有少少偏貴啦!

頭盤沙津,我冇食過,爸爸話一般。

呢個鵝肝係另叫,上次去食飯叫咗但最後因為太飽而取消冇食到,吊咗癮好耐,實在太想食啦!可惜只屬一般,唔夠肥美。

晚餐嘅主菜,揀呢個係因為啲嘢我食得,南瓜阿仔都鍾意,又唔係意大利飯 (阿仔唔食㗎!) 個名好似叫做咸牛肉南瓜意大利麵。個麵有好豐富嘅南瓜蓉,足料,咸牛肉一條條細細舊咁,但個人感覺係啲麵配南瓜蓉同南瓜味好怪,好似唔太 match,但佢兩個都話幾好食…

然後就上呢個幾乎我一個人食哂嘅: 黑松露薯蓉,都係另叫。我本身已經好鍾意食著蓉,再加上黑松露,點忍得口呀!味道又確係得!好在阿仔對黑松露麻麻哋,唔會同我爭,嘻~

最後係爸爸嘅牛肋肉眼扒,唔算特別好食,以水準衡量價錢嚟講都係果句,略貴!應該可以更好!

食埋個甜品就完美結束了!雖然事先講定咗會喺甜品碟上寫字,但都未免要等太耐吧…我哋影完相就即刻三個人一齊動手…係咁食!唔通啲嘢食係要爭先好味嘅?!哈哈…

估唔到仲有禮物收!原來經 Openrice 訂檯嚟慶祝生日係會送份小禮物架!收到未?不過唔知優惠會做到幾時呢?

係!仲有,佢哋而家有8折,因為有啲唔集中精神所以聽唔哂…總之係有兩個優惠,其中一個係生日有8折,問過侍應佢話兩個優惠其實差唔多,咁是但啦!都奈8折咪得囉!呢餐食咗$1300有找。

仲有唔記得講,叫咗支紅酒,但麻麻啦!最衰我唔飲得,唔知點麻麻法呢??

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s