阿仔一直都有少少咳，但返學後第三日開始見佢有Ｄ鼻水，問佢課室係咪有開冷氣，佢話係。
咁凍唔凍？有冇拎件外套出黎著？佢話著過一次。
如果凍一定要著外套呀！小學唔同幼稚園呀！要自己做架！
又，唔知關唔關打邊爐事，一連打左兩晚，第一晚（星期日）食完話肚痛，都不以為意。
第二晚（星期一）訓覺時佢就係咁咳，又話個肚唔舒服，見佢有Ｄ辛苦。
第二朝即係尋日（星期二）起身佢都係唔太舒服，本來想同佢請假睇醫生，不過後來都係俾佢返學。
到佢放學時，見到佢個樣非常疲倦！校車姨姨都話佢好眼訓，問佢佢仲係話個肚唔舒服！仲係非常辛苦同攰！於是就即刻同佢去睇醫生啦！佢連行路都幾乎唔想行，真係辛苦啦…好後悔俾佢返左學。
醫生話佢感冒，仲可能有Ｄ腸胃炎，叫佢呢兩日唔好返學，仲話唔好迫佢食野，食麵包都可以了！
阿仔返到屋企食完藥就即刻訓，訓到七點幾八點，食完粥，睇爸爸打機…
我同佢左一陣計，了解下佢返學既情況後，十點幾上床睡覺了！
所以今日（星期三）就同佢請假了！
可能已經食左兩三次藥，個衰豬又好精神喎！所以食完午飯，即使出面仲有落雨，我都同佢去圖書館。
前排睇開 “The Magic School Bus”，我見佢咁鐘意，而且套書都好有教育意義，所以就買左返屋企。佢呢次就自己問職員，搵 “Curious George”！
全日都冇午睡，一直到十點左右先ＺＺＺ。
