Posted in 【童書】, 【買】Online Shopping 網店購物, 【LIFE】2016, 我看的

二手書:Curious George & 肚痛令我想到…

CYMERA_20160923_160004.jpg

2016-09-23 (Friday)

自從搬屋時發現原來上網有好多都幾唔錯既二手野買之後, 間中都會睇下有咩岩。呢兩日就睇到有人放呢四本”Curious George”既故事書, 由於Max近來好鐘意睇佢既書, 而呢幾本我係圖書館又好似未見過, 於是就買左啦!

交收前問賣家D書幾成新, 佢話8成。原來都OK新, 今次個賣家好老實!因為我對上一次買過果幾本, 賣家話佢D書有8成新, 點知, 一到手就發現完全唔係果回事, 極其量可以話係5成新!!紙質有點兒「梅」, 亦有不少頁數已發黃!我即時話D書好舊喎!但係D人通常都會話人人既標準都唔同…..吹咩?!(我加的)其實我係俾錢買的, 只不過係比全新既便宜, 都明知係二手, 你唔需要咁唔老實丫!

Max 放學返黎見到D書好開心, 要即刻睇, 仲睇到自己哈哈笑!非常開心!!

而家佢幾乎完全唔需要我去同佢講(英文)故事, 除非有D字佢唔識解, 佢會問之外, 佢都好少主動叫我讀俾佢聽。唔係睇少左書, 反而仲多左自己主動拎黎睇添, 只不過係少左要我伴讀。

其實我覺得算係成功左了, 佢已經5歲幾啦!識既字都已經唔少, 佢肯自己讀我已經好安慰。當然佢都仲會叫我講啦, 但比例大概係1:7, 有時我都會問下佢使唔使我讀俾佢聽呀?少數會答我「好」。又或者果一成之中有一兩次係佢叫我讀。 Continue reading “二手書:Curious George & 肚痛令我想到…”

Advertisements