星期六, 又係返學校上興趣班既日子。
諗住早45分鐘出門口去搭巴士, 點知都係遲…
等車等到搭半, 一定趕唔切啦…所以最後都係要搭的士去！
下次要早一小時出門口啦！！ Continue reading “【一年班】小一分享會”
Month: October 2016
【返醫院產檢】胎盤低置驚魂 + 「拗柴」跌倒
點解話係驚魂? 因為原來唔低囉！
之前一直都係健康院做產檢, 10月尾亦即27週尾時係私家照到我胎盤低, 返健康院同醫生講, 再加上又 check 到蛋白尿, 所以一次過尋日去醫院做檢查。
本來以為係唔同平時既產檢啦, 點知原來係一樣…即係去到要量血壓、體重同驗小便。但竟然今日驗小便又pass喎…上星期明明連續兩日驗都唔pass…不過當然冇事好過有事啦！
等叫名去交資料後就等見醫生, 呢度已經等左超過半個鐘。醫生都係摸下肚, 聽下心跳咁, 同埋話30週都仲有機會升返上去, 好似話到34定36先去決定咁上下！然後叫我去等照超聲波。
就係咁又等左半個幾鐘…真係好討厭去醫院做產檢。
Continue reading “【返醫院產檢】胎盤低置驚魂 + 「拗柴」跌倒”
新書 《Mr. Tickle and the Scary Halloween》
前排上網買咗本Mr. Men嘅書(Halloween)，已經收到幾日，Max 今日終於有時間拎嚟睇啦！就係我哋食完飯之後，喺廳話睇電視時，佢無啦啦自己走去拎本書嚟睇！仲要一邊睇書又睇吓電視咁！真係唔專心呀！
不過我冇話佢！話唔定佢可以因此而“練成”邊睇電視邊讀書都得嘅神功呢！！其實…我有啲懷疑，雖然佢話睇哂啲字，而且我亦都見到佢好用心咁讀，但佢真係睇得入腦？問佢本書好唔好睇？佢話好睇。當我望見佢睇啲文字時，會由心笑出嚟！點解？可能實在同以前太唔同啦！以前佢係完全唔睇亦唔鐘意睇字嘛！總之每次見佢主動睇書兼讀埋啲字，我都仍然係覺得好安慰…！
唔知第時細佬會係點嘅呢？我又可唔可以做得比之前更好，定係會懶咗？差咗呢？
升上小一後。參加母校(幼稚園)攤位遊戲日
2016-10-15 (Sat)
雖然升左上小一, 但幼稚園就係屋企附近, 而且可以順便去拎埋畢業DVD, 所以相約舊同學一齊去, 我地11點多D就去到。
真係咁橋原本逢星期六上既小學興趣班今日取消左！先有得JOIN埋一齊去咋！
星期日重陽節 – 爸爸病倒了
上午去飲茶，然後逛了一會花園街，買了一個椰青和 Max 一起喝，我們買了少許家品，兒子也不蝕底！買了一盒玩具，超便宜，只需6元！
3點多出發去食盤菜。爸爸突然感冒發燒了！頗嚴重的。可能是昨天開始飲中藥，發了些病出來。兒子的咳嗽也一直沒怎麼好過，回家後爸爸整晚都在休息睡覺，兒子還好一點，會玩會看電視。
慶幸自己沒生病，否則的話就大件事了…！
【小一生】星期六興趣班
Max 好鐘意砌Lego, 得知學校有Lego班就話要參加。
但就同逢星期六既籃球班撞正時間, 所以唯有將籃球班改期。
今日係第一堂。
因為我自己身體既關係, 所以來回都搭的士, 真係太奢侈啦！但係冇辦法, 太疲累。
去到見到個個都著運動服, 就知道著錯衫….Max 話冇聽到要著運動衫。
校內有提供座位俾家長做等候區, 而且一個小時好快就過左。
上完堂我地就去食野啦, 然後返屋企繼續做埋D功課。
BE@RBRICK@Harbour City
約左好朋友食Lunch, 跟住同另一個朋友周圍行睇下有咩買, 行行下就去到海港城。
見好多”遊客”係度影相, 心諗不如影返張啦！呢D景色唔知10年後會有幾大改變呢？當俾將來既自己懷念一下都好…. Continue reading “BE@RBRICK@Harbour City”
已刊登
昨晚上 facebook, 看到 World family 的新 Post, 就按入去網頁看看。
發現這篇原來已經刊登了！
連結: 感恩 Max有 DWE 的幫助
亦即早前在 Blog 中 post 過的這篇: 【真心分享】迪士尼美語世界的使用成效
其他DWE (Disney World of English 的文章: 【迪士尼美語學習】
♣FOLLOW / CONTACT US : FACEBOOK♣
【小一生】學樂器
雖然前兩日 check 到胎盤低, 據聞最好唔好跑呀、跳呀咁, 仲有最好行少D休息多D。
但因為去完街返去接阿仔時已經有少少遲, 咁唯有跑住去啦….
小學要揀一種樂器學習, Max 自己揀左小號, 佢話好好聽喎！
今日係第一堂, 我地經由學校代買呢支小號。
Max 放學時就拎住呢個咁大既盒落車, 然後就急不及待咁拎出黎”玩”。
夜晚爸爸返黎亦都好熱衷咁再拎出黎吹, 希望佢真的有興趣同會努力學習點吹啦！！
【私家產檢】27週5日～發現胎盤低
2016-10-05 (Wed)
第四次私家產檢 @27W5D
體重：50.1 kg (with shoes)
BB 體重：1250 kg / 2.75 lbs (正常size)
自己量肚圍：34″
今次 baby 好唔合作, 照唔到4D, 隻手遮住塊面, 醫生整左佢好耐都唔肯拎開隻手仔….
問左醫生關於DHA supplement 既 comment, 佢叫我唔好食魚油果D, 要食就食惠氏果隻藻油DHA。我都估到佢好大機會係咁講, 始終佢俾我既感覺係好保守, 有少少危機感既飲食都唔可以掂！不過佢叫我唔好食咁多糖份, 以前都冇叫過既？！點解呢？佢都係話以免BB太大！因為我話我有飲媽媽奶粉, 佢都叫我唔好飲太多, 我話一日一杯佢就話可以。
同上胎一樣, 我個肚都係細, 醫生都話細, 但BB係正常size, 所以我唔擔心, 只係想再谷肥D佢。
呢個細B好大力, 踢得仲大力過哥哥, 有好多次真係俾佢踢到痛, 但依然好enjoy。
至於呢次產檢最令我震驚既就係知道左個消息：胎盤低！
雖然聽過下呢個名詞, 但從未真正理解過咩係胎盤低置或前置。
我第一個反應就係問醫生「點解會咁?」佢冇即時答我, 到我問第二次佢先答….可能係BB著床時既位置問題！同埋都有機會升返上去。
答得咁輕描淡寫, 但又叫我下次去政府產檢時俾張超聲波醫生睇……咁即係情況係需要關注！？但係佢又冇講話叫我注意D乜或者係要點做 (除左同政府醫生講之外)。
另外有問我係邊間政府醫院照超聲波, 問我果時醫院冇講咩？我話冇, 而且超結構前果個星期先去完佢度產檢, 你地兩度都冇話過我胎盤低喎！
後來上網見到其他人多數係早期或中期發現, 我反而係中後期先發現！咁到底係佢地為免我太擔心（因有機會升返上去）, 定係當時真係未有呢個問題呢？？
咬人…..
10月4日星期三
放學後, 校車姨姨同我講：「佢可能肉緊得滯，咬左個同學一啖。」
當時阿仔個樣都好氣憤，本來我想話問下個同學仔有冇事，佢捉住我話：「唔好聽X姨講既野，佢講D野唔岩既！佢講埋D野係錯架！」咁我唯有算啦, 等阿仔冷靜完之後先問佢發生咩事。 Continue reading “咬人…..”
參加講座 & 有關DHA
星期日, 下午兩點半去聽講座。
記得上胎都只係聽過兩次講座, 而今胎先係第一次！(27W3D)
今胎第一次去健康院產檢時登記左幾間奶粉公司, 之後曾經有好多電話打過黎, 我好多都冇聽, 而聽過既就係問我參唔參加講座, 但我都全拒絕了！(就係因為唔想去所以先唔聽電話…)
後來見好多媽媽都好熱心咁去參加講座, 仲會收到好多禮物, 有D都確係好吸引！！雖然我依然冇主動去搵講座黎聽, 但咁岩其中一間打電話俾我, 於是我就答應去聽啦！
見到佢 send 黎既地址係：屈臣氏內！有D奇怪咁既？不過既然都已經去到附近（冇錯，我係去到先睇到個詳細地址….
), 都去聽聽啦！
時間係下午兩點半, 我地先去食野。呢度D點心好一般, 不過就有我好鐘意食既麻蓉飽！但可惜都係唔好食。
因地方問題, 爸爸睇車, 我帶住 Max 去聽講座。佢雖然成日話想走, 唔想聽, 但都陪我到最後一分鐘, 雖然都有頑皮既時候, 但已經算好乖啦！
Continue reading “參加講座 & 有關DHA”
