Posted in 【LIFE】2016

【私家產檢】27週5日~發現胎盤低

2016-10-05 (Wed)
第四次私家產檢 @27W5D
體重:50.1 kg (with shoes)
BB 體重:1250 kg / 2.75 lbs (正常size)
自己量肚圍:34″

今次 baby 好唔合作, 照唔到4D, 隻手遮住塊面, 醫生整左佢好耐都唔肯拎開隻手仔….
問左醫生關於DHA supplement既comment, 佢叫我唔好食魚油果D, 要食就食惠氏果隻藻油DHA。我都估到佢好大機會係咁講, 始終佢俾我既感覺係好保守, 有少少危機感既飲食都唔可以掂!不過佢叫我唔好食咁多糖份, 以前都冇叫過既?!點解呢?佢都係話以免BB太大!因為我話我有飲媽媽奶粉, 佢都叫我唔好飲太多, 我話一日一杯佢就話可以。

同上胎一樣, 我個肚都係細, 醫生都話細, 但BB係正常size, 所以我唔擔心, 只係想再谷肥D佢。
呢個細B好大力, 踢得仲大力過哥哥, 有好多次真係俾佢踢到痛, 但依然好enjoy。

line2008072200200993

至於呢次產檢最令我震驚既就係知道左個消息:胎盤低!
雖然聽過下呢個名詞, 但從未真正理解過咩係胎盤低置或前置。
我第一個反應就係問醫生「點解會咁?」佢冇即時答我, 到我問第二次佢先答….可能係BB著床時既位置問題!同埋都有機會升返上去。
答得咁輕描淡寫, 但又叫我下次去政府產檢時俾張超聲波醫生睇……咁即係情況係需要關注!?但係佢又冇講話叫我注意D乜或者係要點做 (除左同政府醫生講之外)。

另外有問我係邊間政府醫院照超聲波, 問我果時醫院冇講咩?我話冇, 而且超結構前果個星期先去完佢度產檢, 你地兩度都冇話過我胎盤低喎!
後來上網見到其他人多數係早期或中期發現, 我反而係中後期先發現!咁到底係佢地為免我太擔心(因有機會升返上去), 定係當時真係未有呢個問題呢??

20161006_121500.jpg

呢次醫生俾我既感覺有D差…答得唔詳盡。或者係因為一切言之尚早?等下次32週再去產檢時, 睇下咩情況先再講??

如果孕媽在孕28周之前發現胎盤低置的話,不必太過擔心。胎盤低置狀態會隨著妊娠的進展胎盤位置可能上移或不變。

如果到了28周胎盤位置還是低的話就屬于前置胎盤

「如果到了28周胎盤位置還是低的話就屬于前置胎盤」!咁我咪好危險?!!唔怪之得醫生叫我俾張超聲波同埋要同政府醫生講啦!但我又睇到呢度話28週後仍有上升的機會….關鍵似乎都係要等到32, 甚至34週, 睇下係邊一種。「懷孕34周時,若胎盤的邊緣離子宮頸口2厘米以外,便可以自然分娩。如果作動之前,胎盤邊緣離子宮頸少於2厘米,便要剖腹。」

至於醫生答得好簡單既形成原因,大致上如下:

  1. 孖胎或多胞胎,當多過一個胎盤時,自然有較大機會其中一個落在較低位置。
  2. 曾接受過刮宮手術,內膜皮層受損後該位置變薄,胎盤容易在該薄的位置着牀。
  3. 子宮曾經發炎或損傷。
  4. 子宮曾經開刀,如剖腹生產。
  5. 曾生育多次。
  6. 年紀較大孕婦。
  7. 高齡一族(35歲以上),再加上合併有子宮畸形、肌瘤、疤痕等
  8. 有過低置胎盤史的孕媽咪

呢D都係會令發生機率大大增加。由此可見呢種情況發生在我身上都唔出奇….因為已經有3點係match…

咁到底點樣「低置」法呢?呢度話:

低置胎盤是前置胎盤的一種,前置胎盤分為完全性前置胎盤、部分性前置胎盤和低置胎盤3種。

完全性前置胎盤就是胎盤組織將子宮頸內口完全覆蓋;部分性前置胎盤則只有部分胎盤組織覆蓋了子宮頸口。相比較而言,低置胎盤在三種前置胎盤類型中還是屬于性質比較輕的一種,但孕媽咪還是不可輕忽。

6_n.jpg
資料來源

根據跟子宮頸口的距離,由近至遠,胎盤前置可分為4類:完全性、部分性、邊緣性,以及低位性。完全性胎盤前置即胎盤中心位置覆蓋子宮頸內口;部分性胎盤前置即胎盤邊緣覆蓋子宮頸內口;邊緣性胎盤前置即胎盤的邊緣達到子宮頸內口;低位性胎盤前置即胎盤有小部分進入子宮下段,沒有蓋住子宮頸內口。

懷孕34周時,若胎盤的邊緣離子宮頸口2厘米以外,便可以自然分娩。如果作動之前,胎盤邊緣離子宮頸少於2厘米,便要剖腹。

我係邊種?唔知,醫生冇講….總之下下星期四(28週5日)去健康院時會要求見醫生, 再睇下咩情況先!

lineb_illust_114_1m

♣FOLLOW / CONTACT US : FACEBOOK

後來打電話再問清楚醫生我個情況係點, 姑娘話唔算好嚴重, 如果嚴重既話醫生都會同我講, 但就話驚我有機會早產。至於可以點做?我唔知到底係姑娘話定醫生講…都係叫休息多D, 唔一定訓低, 坐都得, 唔好拎重野等等啦, 上網好多資料, 都係大同小異。

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s