2016-10-15 (Sat)
雖然升左上小一, 但幼稚園就係屋企附近, 而且可以順便去拎埋畢業DVD, 所以相約舊同學一齊去, 我地11點多D就去到。
真係咁橋原本逢星期六上既小學興趣班今日取消左！先有得JOIN埋一齊去咋！
玩到咁上下就同同學仔一齊食飯啦！原來想話邀請佢地上黎屋企坐下, 點知論盡媽咪竟然冇帶屋企鎖匙！！
唯有去公園邊玩邊等啦….(同學仔去左學游水)
睇下 Max 玩到個樣幾眼訓！仲因為太貪玩, 坐上後面條欄杆度, 點知成個人向後跌….個頭落先…撞到起左樓！！痛到佢喊。
呢個衰豬今日好唔聽話, 又好多時都鬥氣….都激得我幾嬲！
